ୱାଶିଂଟନ : ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ ଚେତାବନୀ ଦେଇ କହିଛନ୍ତି ଯେ, ଆସନ୍ତା ଚାରିରୁ ଛଅ ମାସ ମଧ୍ୟରେ କରୋନା ଭୂତାଣୁର ପ୍ରକୋପ ବହୁତ ଅଧିକ ହୋଇପାରେ। ସୂଚନାଯୋଗ୍ୟ ତାଙ୍କର ‘ ବିଲ୍ ଏବଂ ମେଲିଣ୍ଡା ଗେଟ୍ସ ଫାଉଣ୍ଡେସନ୍’ କୋଭିଡ୍ -୧୯ ଟିକା ପ୍ରସ୍ତୁତି ଏବଂ ବିତରଣ ଅଭିଯାନର ଏକ ଅଂଶ।
ସମ୍ପ୍ରତି ଆମେରିକାରେ ଭୂତାଣୁ ଜନିତ ନୂଆ ସଂକ୍ରମଣ, ଏହା ଯୋଗୁଁ ମୃତ୍ୟୁ ଏବଂ ଡାକ୍ତରଖାନାରେ ଭର୍ତ୍ତି ହେଇଥିବା ରୋଗୀଭ୍କ ସଂଖ୍ୟା ଯଥେଷ୍ଟ ବୃଦ୍ଧି ପାଇଛି । ୨୦୧୫ରେ ଏଭଳି ମହାମାରୀ ବିଷୟରେ ବିଶ୍ୱକୁ ଚେତାବନୀ ଦେଇଥିବା ଗେଟ୍ସ କହିଛନ୍ତି ଯେ, ମୁଁ ଭାବୁଛି ଆମେରିକା ଏହାର ଭଲ ମୁକାବିଲା କରିପାରିଥାନ୍ତା। ଟିକା ପ୍ରସ୍ତୁତ ପାଇଁ କରାଯାଉଥିବା ଅନେକ ଗବେଷଣାକୁ ଗେଟ୍ସ ଫାଉଣ୍ଡେସନ ଆର୍ଥିକ ସହାୟତା କରୁଛି।