କଟକ- କଟକ ରାଉସନପାଟନାକୁ (ୱାର୍ଡ ନମ୍ବର ୨୭) ୫ ଦିନ ପାଇଁ କଂଟେନମେଂଟ ଜୋନ ଘୋଷଣା କରିଛନ୍ତି କଟକ ସିଏମସି କମିଶନର ଅନନ୍ୟା ଦାସ । ଦ୍ରୁତ ଗତିରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ଏଭଳି ନିଷ୍ପତି ନିଆଯାଇଛି । କଂଟେନମେଂଟ ଜୋନ ଘୋଷଣା କରାଯାଇଥିବା ଅଂଚଳ ପାଇଁ ଗାଇଡଲାଇନ ଜାରି କରାଯାଇଛି । ସମସ୍ତ ଗାଡି ମଟର ଯାଆସ ଉପରେ କଟକଣା ଲାଗିଛି, ଅତ୍ୟାବଶ୍ୟକ ସାମଗ୍ରୀ ସିଏମସି ପକ୍ଷରୁ ଯୋଗାଇ ଦିଆଯିବ । ଏତଦ ବ୍ୟତିତ ଏହି ଜୋନ ମଧ୍ୟରେ ଥିବା ସରକାରୀ ଓ ବେସରକାରୀ କାର୍ଯ୍ୟାଳୟ ମଧ୍ୟ ବନ୍ଦ ରହିବ ।