ଫୁଳବାଣୀ: କନ୍ଧମାଳ ଜିଲ୍ଲା ତୁମୁଡି ବନ୍ଧଥାନା ଅନ୍ତର୍ଗତ ସିର୍ଲା ଜଙ୍ଗଲରେ ପୁଣି ପୁଲିସ-ମାଓବାଦୀ ଗୁଳି ବିନିମୟରେ ଆଉଜଣେ ମାଓବାଦୀ ନିହତ ହୋଇଛି । ନିହତ ମାଓବାଦୀ ବଂଶଧାରା-ଘୁମୁସରା-ନାଗାବଳୀ ଡିଭିଜନ ବୋଲି ଜଣାପଡିଛି । ଏଥିସହ ବିପୁଳ ପରିମାଣର ମାଓସାମଗ୍ରୀ ମଧ୍ୟ ଜବତ ହୋଇଛି । ଏବେ ବି ସିର୍ଲା ଅଞ୍ଚଳରେ ଏସଓଜି ଓ ଡିଭିଏଫ ଯବାନ ମିଳିତ ଭାବେ କୁମ୍ବିଂକୁ ଯୋରଦାର ଚଳାଇଥିବା ଜଣାଯାଇଛି । ସୁଚନା ଯୋଗ୍ୟ, ଜୁଲାଇ ୫ତାରିଖରେ ତୁମୁଡି ବନ୍ଧ ନିକଟ ସିର୍ଲା ଜଙ୍ଗଲରେ ଯବାନଙ୍କ ସହ ଗୁଳି ବିନିମୟରେ କେକେବିଏନ ଡିଭିଜନର ୪ଜଣ କ୍ୟାଡର ମାଓବାଦୀଙ୍କର ମୃତ୍ୟୁ ଘଟିଥିଲା ।