ବେଗୁସରାଇ: ଗଛଟିଏ ଉପାଡିଦେବାରୁ ବିହାରର ବେଗୁସରାଇ ଜିଲ୍ଲାରେ ଜଣେ ୧୨ବର୍ଷୀୟ ନାବାଳିକାକୁ ତାଙ୍କ ପଡୋଶୀଘର ଦମ୍ପତି ଜୀଅନ୍ତା ଜାଳିଦେଇଥିବା ଅଭିଯୋଗ ହୋଇଛି ।
ନିଙ୍ଗା ପଞ୍ଚାୟତ ଅଧୀନ ଶିବରଣା ଗାଁରେ ଘଟଣାଟି ଘଟିଥିବା ଜଣାପଡିଛି । ଅଭିଯୁକ୍ତ ପଡୋଶୀ ସିକନ୍ଦର ଯାଦବଙ୍କ ଘର ପାଖରେ ଖେଳୁଥିବା ବେଳେ ବାଳିକାଟି ଗୋଟାଏ ଛୋଟ ଗଛ ଉପାଡି ପକାଇଥିଲା । ଏ କଥା ଦେଖି ସିକନ୍ଦର, ତାଙ୍କ ପତ୍ନୀ ଓ ସେମାନଙ୍କ ଝିଅ ସେ ବାଳିକାକୁ ଗାଳିଗୁଲଜ କରିବା ସହ ମାଡ ଦେଇଥିଲେ । ତା’ପରେ ସେମାନେ ଝିଅଟି ଦେହରେ କିରାସିନ୍ ଢାଳି ନିଆଁ ଲଗାଇ ଦେଇଥିଲେ । ଚିକିତ୍ସା ନିମନ୍ତେ ଦଗ୍ଧ ବାଳିକାଟିକୁ ଏକ ଚିକିତ୍ସାଳୟର ‘କ୍ରିଟିକାଲ୍ ବର୍ଣ୍ଣ ଇଞ୍ଜୁରି’ରେ ଭର୍ତି କରିଛନ୍ତି । ଅଭିଯୁକ୍ତ ସିକନ୍ଦର ଯାଦବଙ୍କ ବିରୋଧରେ ପୋଲିସ ମାମଲା ରୁଜୁ କରିଥିବା ଜଣାପଡିଛି । ବେଗୁସରାଇ ଡିଏସ୍ପି ନିଶିତ୍ପ୍ରିୟ କହିଛନ୍ତି, ପଡୋଶୀ ସିକନ୍ଦର ଏହି ଅପରାଧର ଅଭିଯୁକ୍ତ ଏବଂ ତାଙ୍କର ଗିରଫ ଦାରି ପାଇଁ ପ୍ରକ୍ରିୟା ଚାଲିଛି ।