ପୁରୀ: ୯ଦିନ ବ୍ୟାପୀ ଘୋଷଯାତ୍ରା ଏବଂ ମାନବୀୟ ଲୀଳା ଶେଷ କରି ମହାପ୍ରଭୁ ଶ୍ରୀଜଗନ୍ନାଥ, ବଡଠାକୁର ବଳଭଦ୍ର ଓ ଦେବୀ ସୁଭଦ୍ରା ଆଜି ରତ୍ନ ସିଂହାସନକୁ ବିଜେ କରିଛନ୍ତି । ରଥଉପରେ ଶ୍ରୀଜିଉମାନଙ୍କ ସମସ୍ତ ନୀତିକାନ୍ତି ଓ ପୂଜାଚର୍ଚ୍ଚନା ପରେ ଆଜି ଗୋଟି ପହଣ୍ଡିରେ ନୀଳକନ୍ଦରକୁ ବିଜେ କରିଛନ୍ତି । ପ୍ରଥମେ ମଦନ ମୋହନ, ରାମକୃଷ୍ଣ ଓ ଶ୍ରୀସୁଦର୍ଶନଙ୍କୁୁ ସେବାୟତମାନେ ପହଣ୍ଡି ବିଜେ କରାଇଥିଲା ବେଳେ ପରେ ବଡଠାକୁର ବଳଭଦ୍ର, ଦେବୀ ସୁଭଦ୍ରା ଏବଂ ଶେଷରେ ମହାପ୍ରଭୁ ଶ୍ରୀଜଗନ୍ନାଥ ରତ୍ନ ସିଂହାସନକୁ ପହଣ୍ଡି ବିଜେ କରିଥିଲେ । ଜୟବିଜୟ ଦ୍ୱାର ନିକଟରେ ଅଭିମାନୀନି ମା’ ଲକ୍ଷ୍ମୀଙ୍କ ସହ ମହାପ୍ରଭୁଙ୍କ ବଚନିକା ଅନୁଷ୍ଠିତ ହେ।।ଇଥିଲା ।
ସୂଚନାଯୋଗ୍ୟ ଯେ, ଘୋଷଯାତ୍ରାରୁ ଫେରିବା ପରେ ରଥ ଉପରେ ମହାପ୍ରଭୁଙ୍କ ସୁନାବେଶ, ଅଧର ପଣା ନୀତି ଅନୁଷ୍ଠିତ ହୋଇଥିଲା ବେଳେ ଆଜି ମହାପ୍ରଭୁ ୧୨ ଦିନର ଲୀଳା ଶେଷ କରି ନୀଳାଦ୍ରୀ ବିଜେ କରିଛନ୍ତି ।