ଝାରସୁଗୁଡା: ହାତ ଗୋଡ ବାନ୍ଧି ଜଣେ ଯୁବକଙ୍କ ମୁଣ୍ଡ ଉପରେ ଗାଡି ଚଢ଼ାଇ ମାରି ଦିଆଯାଇଥିବା ଅଭିଯୋଗ ହୋଇଛି । ଏପରି ନୃଶଂସ ହତ୍ୟାକାଣ୍ଡ ଝାରସୁଗୁଡା ଜିଲ୍ଲାରେ ଘଟିଛି । ତେବେ ଏହି ହତ୍ୟାକାଣ୍ଡ କିଏ ଓ କେଉଁ ପରିସ୍ଥିତିରେ ଘଟାଇଛି , ତାହା ଏଯାଏଁ ଜଣାପଡିନାହିଁ । ତେବେ ପୁଲିସ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ଗୁରୁବାର ସକାଳେ ଲଖନପୁର ଥାନା ଗ୍ରୀଣ୍ଡୋଲା ନିକଟସ୍ଥ ଝାରସୁଗୁଡା-ସୁନ୍ଦରଗଡ ରାସ୍ତା ମଝିରେ ଜଣେ ଯୁବକଙ୍କ ମୃତଦେହ ପଡିଥିଲା । ସ୍ଥାନୀୟ ଲୋକେ ଦେଖି ପୁଲିସକୁ ଜଣାଇଥିଲେ । ପୁଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରିଛି । ମୃତ ଯୁବକଙ୍କ ହାତ ଗୋଡ ବନ୍ଧା ଯାଇଥିବା ବେଳେ ମୁଣ୍ଡ ଉପରେ କୌଣସି ଗାଡ଼ିର ଚକା ତଳେ ଚପାଇ ଦିଆଯାଇଥିବା ଜଣାପଡିଛି ।ତେଣୁ ଏହା ଏକ ସୁନିୟୋଜିତ ହତ୍ୟାକାଣ୍ଡ ବୋଲି ଅନୁମାନ କରୁଛି ପୁଲିସ । ହତ୍ୟାକାଣ୍ଡ ସନେ୍ଦହ କରି ଲଖନପୁର ଥାନା ପୁଲିସ ତଦନ୍ତ ଆରମ୍ଭ କରିଛି । ତେବେ ଘଟଣାସ୍ଥଳରେ ବ୍ରଜରାଜନଗର ଏସଡିପିଓ, ଲଖନପୁର ଇନ୍ସପେକ୍ଟର ପହଂଚି ତଦନ୍ତ ଆରମ୍ଭ କରିଛନ୍ତି ।