ନୂଆଦିଲ୍ଳୀ: ଭାରତରେ କରୋନା ଭୂତାଣୁ ଯୋଗୁ ଦୈନିକ ସଂକ୍ରମଣ ଦିନକୁ ଦିନ ରେକର୍ଡ ସଂଖ୍ୟାରେ ବୃଦ୍ଧି ପାଇବାରେ ଲାଗିଛି । ଗତ ୨୪ଘଂଟାରେ ୨୨ହଜାର ୭୭୧ ନୂଆ ରୋଗୀ ଚିହ୍ନଟ ହୋଇଛନ୍ତି । ସେହିପରି ୪୪୨ ରୋଗୀ ପ୍ରାଣ ହରାଇଛନ୍ତି । ଅନ୍ୟପଟେ ତାମିଲନାଡୁରେ ୧ଲକ୍ଷ ଡେଇଁଛି କରୋନା । ଏଠାରେ ଆଜି ସୁଦ୍ଧା ୧ଲକ୍ଷ ୨ହଜାର ୭୨୧ ସଂକ୍ରମିତ ଚିହ୍ନଟ ହୋଇଛନ୍ତି । ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୬ଲକ୍ଷ ୪୮ ହଜାର ୩୧୫କୁ ବୃଦ୍ଧି ପାଇଥିବାବେଳେ ୧୮ ହଜାର ୬୫୫ ଜଣଙ୍କ ମୃତୁ୍ୟ ଘଟିଛି । ଏବେ ଦେଶରେ ୨ଲକ୍ଷ ୩୫ହଜାର ୪୩୩ରୋଗୀ ସକ୍ରିୟ ଥିବାବେଳେ ୩ଲକ୍ଷ ୯୪ ହଜାର ୨୨୭ଜଣ ସୁସ୍ଥ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା ସର୍ବାଧିକ ୧ଲକ୍ଷ ୯୨ହଜାର ୯୯୦ରେ ପହଞ୍ଚିଛି ।