ଭୁବନେଶ୍ୱର: ୧୩ ତାରିଖରୁ ଯୁକ୍ତ ୩ , ସ୍ନାତକୋତରରେ ଆରମ୍ଭ ହେବ ଅନ୍ଲାଇନ୍ କ୍ଲାସ୍ । ରାଜ୍ୟର ଉଚ୍ଚଶିକ୍ଷା ବିଭାଗ ପକ୍ଷରୁ ଏହି ଗାଇଡ଼ଲାଇନ୍ ଜାରି କରାଯାଇଛି । ଉଚ୍ଚଶିକ୍ଷା ବିଭାଗ ଅଧୀନରେ ଥିବା ସମସ୍ତ ଡିଗ୍ରୀ କଲେଜରେ ଏହି କ୍ଳାସ୍ ଅନୁଷ୍ଟିତ ହେବ । ରାଜ୍ୟର ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର ଅନ୍ଲାଇନ୍ ପାଟପଢା ବାବଦରେ ରାଜ୍ୟର ସମସ୍ତ ଡିଗ୍ରୀ କଲେଜର ଅଧ୍ୟକ୍ଷମାନଙ୍କୁ ଚିଠି ଲେଖିଛନ୍ତି । ଅଧ୍ୟାପକମାନେ ଛାତ୍ରଛାତ୍ରୀଙ୍କୁ ଦୈନିକ ୨ରୁ ୩ ଘଂଟା ପଢାଇବେ । ଅଧ୍ୟାପକମାନେ ନିଜର ଲେସନ୍ ପ୍ଲାନ୍ ଓ ପ୍ରୋଗ୍ରେସ୍ ରେଜିଷ୍ଟର ରଖିବେ ।