ଭୁବନେଶ୍ୱର: କମିଶନରେଟ୍ ପୋଲିସର ଦୁଇ କନେଷ୍ଟବଳ କରୋନା ଦ୍ୱାରା ସଂକ୍ରମିତ ହୋଇଛନ୍ତି । ଏହି ସୂଚନା ଦେଇ ଭୁବନେଶ୍ୱର ପୋଲିସ କମିଶନର ସୁଧାଂସୁ ଷଡଙ୍ଗୀ କହିଛନ୍ତି ଯେ ରିଜର୍ଭ ଲାଇନର ଦୁଇ କନେଷ୍ଟବଳଙ୍କ ରିପୋର୍ଟ କରୋନା ପଜିଟିଭ ଆସିଛି । ଦୁଇ କନେଷ୍ଟବଳଙ୍କ ମଧ୍ୟରୁ ଜଣଙ୍କର ଘର କେନ୍ଦ୍ରାପଡା ହୋଇଥିବା ବେଳେ ଅନ୍ୟ ଜଣଙ୍କ ଘର ଗଞ୍ଜାମ ଜିଲ୍ଲାରେ । ଉଭୟଙ୍କୁ କୋଭିଡ ହସ୍ପିଟାଲରେ ଭର୍ତି କରାଯାଇଛି । ସୂଚନା ଅନୁସାରେ ଭୁବନେଶ୍ୱରରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧୮୨ରେ ପହଁଚିଥିବା ବେଳେ ସେମାନଙ୍କ ମଧ୍ୟରୁ ୫୨୩ ଜଣ ସୁସ୍ଥ ହୋଇଛନ୍ତି ।