ଚେନ୍ନାଇ: ସ୍ୱଦେଶୀ କରୋନା ଟିକା ‘କୋଭାକ୍ସିନ’ର ପ୍ରଥମ ପର୍ଯ୍ୟାୟ ମାନବୀୟ ପରୀକ୍ଷା ଚେନ୍ନାଇରେ ଆରମ୍ଭ ହୋଇଛି । ଏହି ପରୀକ୍ଷାକୁ ଚେନ୍ନାଇସ୍ଥିତ ଏସଆରଏମ ମେଡିକାଲ କଲେଜ ହସ୍ପିଟାଲ ଆଣ୍ଡ ରିସର୍ଚ୍ଚ ସେଂଟରରେ କରାଯାଇଛି । ହସ୍ପିଟାଲରେ ଏହି ପରୀକ୍ଷାର ନେତୃତ୍ୱରେ ଥିବା ଡାକ୍ତର ସତ୍ୟଜିତ ମହାପାତ୍ର ସୂଚନା ଦେଇ କହିଛନ୍ତି । ଭାରତୀୟ ଭେଷଜ ଗବେଷଣା ପରିଷଦ ଏବଂ ପୁନେସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ ଅଫ୍ ଭାଇରୋଲୋଜିର ସହଯୋଗରେ ହାଇଦ୍ରାବାଦର ଭାରତ ବାୟୋଟେକ ପକ୍ଷରୁ ଏହି ଟିକା ବିକଶିତ କରାଯାଇଛି ।