ପୁରୀ- ମହଣ ମହଣ ସୁନାରେ ଦର୍ଶନ ଦେବେ ଚତୁର୍ଦ୍ଧା ମୂରତି । କରୋନା କଟକଣା ପାଇଁ କାଳିଆ ସାଆନ୍ତଙ୍କୁ ଦର୍ଶନ କରିପାରିବେନି ଭକ୍ତ । ଟିଭି ମାଧ୍ୟମରେ ଦେଖିବେ ମହାବାହୁଙ୍କ ସୁନା ବେଶ । ସୁନା ବେଶ ପାଇଁ ପୁରୀରେ ବ୍ୟାପକ ବ୍ୟବସ୍ଥା କଡାକଡି କରାଯାଇଛି । ଅପରାହ୍ନ ୩ ଟାରୁ ରାତି ୧୦ ପର୍ଯ୍ୟନ୍ତ କର୍ଫ୍ୟୁ ଜାରି କରାଯିବ । ସିଂହଦ୍ୱାର ସମ୍ମୁଖରେ ତିନି ଠାକୁର ଥିବାରୁ ଆଜି ଦିନତମାମ ଏହି ଅଂଚଳରେ କର୍ଫୁ୍ୟ ରହିବ । ମାର୍କେଟ ଛକରୁ ସିଂହଦ୍ୱାର ପର୍ଯ୍ୟନ୍ତ କର୍ଫ୍ୟୁ ଲାଗୁ ହେବ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି ।