ଜଳେଶ୍ୱର: ଦୁର୍ଦ୍ଧାନ୍ତ ଅପରାଧି ରତନ ଦାଶ (ଜଗା) କୁ ହତ୍ୟା କରାଯାଇଛି । ପୂର୍ବରୁ ଜଗା ନାଁରେ ଓଡିଶା, ପଶ୍ଚିମବଙ୍ଗ, ଝାଡଖଣ୍ଡ, ବିହାର, ଗୋଆ ଭଳି ବିଭିନ୍ନ ରାଜ୍ୟର ଥାନାରେ ହତ୍ୟା ଉଦ୍ୟମ, ଲୁଟ, ଚୋରା ବନ୍ଧୁକ ଚାଲଣ ଅଭିଯୋଗ ରହିଛି । ଜଗାକୁ ବିଳମ୍ବିତ ରାତିରେ ତାର ନିଜ ଗାଁ ରେ ଅର୍ଥାତ ବାଲେଶ୍ୱର ଜିଲ୍ଲା କମର୍ଦା ଥାନା ଅନ୍ତର୍ଗତ କୁରୁଣ୍ଠିଆ ଗାଁ ରେ ହତ୍ୟା କରାଯାଇଥିବାର ସୂଚନା ମିଳିଛି । ଜଗା ଗାଡିରୁ ଚାନ୍ଦା ଆଦାୟ କରୁଥିବା ବେଳେ ଟ୍ରକ୍ ଗାଡି ଚାଳକଙ୍କ ସହ ତାର ଝଗଡା ହୋଇଥିଲା । ସେହି ରାଗରେ ଗାଡି ଚାଳକ ଟ୍ରକ୍ ଚଢେଇ ହତ୍ୟା କରାଯାଇଥିବାର ସନ୍ଦେହ କରାଯାଉଛି । ଖବରପାଇ କମର୍ଦା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।