ଅନୁଗୁଳ: ଅନୁଗୁଳ ଜିଲ୍ଲା ଅବକାରୀ ବିଭାଗ ତୁରଙ୍ଗ ଦୁର୍ଗା ବିହାର ଅଂଚଳରେ ଏକ ମାରୁତି ସୁଇପ୍ଟ କାରରୁ ବିପୁଳ ପରିମାଣର ବିଦେଶୀ ମଦ ଜବତ ହୋଇଛି । ପ୍ରାୟ ୧୨୯.୬୦୦ ଲିଟର ବିଦେଶୀ ମଦ ଜବତ ହୋଇଛି । ଏହି ଘଟଣା ସହ ଜଡିତ ଅଭିଯୁକ୍ତ ଗଜେନ୍ଦ୍ର ସାହୁ ଏବଂ ଅଜୟ କୁମାର ବେହେରାଙ୍କୁ ଗିରଫ କରିଛି ପୋଲିସ୍ । ଏହି ବିଦେଶୀ ମଦ ଅରୁଣାଚଳ ପ୍ରଦେଶରେ ବିକ୍ରି ପାଇଁ ଅନୁମତି ଲେଖା ଥିବା ବେଳେ ଓଡିଶାରେ ଏହାର ଲିଙ୍କ ଥିବା ଖବର ଜଣାପଡିଛି । ଆଜି ଏମାନଙ୍କୁ କୋର୍ଟ ଚାଲଣ କରାଯିବ ବୋଲି ଅବକାରୀ ବିଭାଗ କହିଛି ।