ହାଇଦ୍ରାବାଦ: ମଣିଷ ଠାରେ ହଜିଯାଉଛି ମାନବିକତା । କେରଳରେ ଗର୍ଭିଣୀ ହାତିକୁ ହତ୍ୟା କରିବା ଘଟଣା ମନରୁ ନ ଲିଭୁଣୁ ତେଲେଙ୍ଗାନାରେ ଏକ ମାଙ୍କଡକୁ ଫାଶୀ ଦେଇ ହତ୍ୟା କରିବା ଘଟଣା ସାମ୍ନାକୁ ଆସିଛି । ଏପରି ଏକ ଅମାନବୀୟ ଘଟଣା ଦେଖିବାକୁ ମିଳିଛି ତେଲେଙ୍ଗାନାର ଖମ୍ମମ ଜିଲ୍ଲାରେ । ୩ ଜଣ ବ୍ୟକ୍ତି ଅତି ନିର୍ଦ୍ଧୟ ଭାବରେ ମାଙ୍କଡ ବେକରେ ଦଉଡି ବାନ୍ଧି ଗଛରେ ଝୁଲାଇ ଦେବାରୁ ତାର ମୃତ୍ୟୁ ହୋଇଛି । ଘଟଣାରେ ପୁଲିସ ତିନି ଜଣଙ୍କୁ ଗିରଫ କରିଛି । ସତୁପଲ୍ଲୀ ରେଞ୍ଜ ଅଧିକାରୀ କହିଛନ୍ତି ଯେ ଅଭିଯୁକ୍ତମାନେ ନିଜର ଦୋଷ ସ୍ୱୀକାର କରିଛନ୍ତି । ଅଭିଯୁକ୍ତମାନେ ଅନ୍ୟ ମାଙ୍କଡକୁ ଡରାଇବା ଲାଗି ଏଭଳି କରିଛନ୍ତି ବୋଲି କହିଛନ୍ତି ।