ଭୁବନେଶ୍ୱର- ରାଜ୍ୟରେ ଚିନ୍ତାବଢାଉଛି କରୋନା । ପ୍ରତ୍ୟେକ ଦିନ ୫୦୦ ପାର କରୁଛି ଆକ୍ରାନ୍ତଙ୍କ ସଂଖ୍ୟା । ଆଜି ପୁଣି ୬୧୬ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରେ ୪୧୫ ସଙ୍ଗରୋଧ କେନ୍ଦ୍ରର ହୋଇଥିବା ବେଳେ ୨୦୧ ସ୍ଥାନୀୟ ସଂକ୍ରମିତ ରହିଛନ୍ତି । ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ଗଞ୍ଜାମରୁ ସର୍ବାଧିକ ୨୮୩, କୋରାପୁଟ ୫୦, ନବରଙ୍ଗପୁର ୪୦, ବରଗଡ ୩୧, ବାଲେଶ୍ୱର ୨୭, କଟକ ୨୩, ଅନୁଗୁଳ ୭, ବଲାଙ୍ଗୀର ଓ ଭଦ୍ରକରୁ ଜଣେ ଲେଖାଏଁ ରହିଛନ୍ତି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା୧୩,୭୩୭ରେ ପଂହଚିଥିବା ବେଳେ ୮୭୫୦ ଆକ୍ରାନ୍ତ ସୁସ୍ଥ ହୋଇଛନ୍ତି । ବର୍ତମାନ ସୁଦ୍ଧା ୪୮୯୬ ସକ୍ରିୟ ମାମଲା ରହିଛି ।