ପୁରୀ- ଆଡପ ମଣ୍ଡପକୁ ବିଜେ କରିବେ ତିନି ଠାକୁର । ରଥ ଉପରେ ଠାକୁରଙ୍କର ସମସ୍ତ ନୀତିକାନ୍ତି ଶେଷ ହେବା ପରେ ଅପରାହ୍ନ ୪ଟାରେ ଆରମ୍ଭ ହେବ ପହଣ୍ଡି । ପ୍ରଥମେ ମଦନମୋହନ ରାମକୃଷ୍ଣ, ପରେ ସୁଦର୍ଶନ,ଏବଂ ପରେପରେ ବଳଭଦ୍ର , ଦେବୀ ସୁଭଦ୍ରା ଓ ଶେଷରେ ମହାପ୍ରଭୁ ଜଗନ୍ନାଥ ବିଜେ କରିବେ । ବୁଧାବାର ପୁରୀ ଜିଲ୍ଲାରେ କର୍ଫ୍ୟୁରେ କିଛିଟା କୋହାଳ କରାଯାଇଛି । ତେବେ ବଡଶଙ୍ଗଠାରୁ ବସଷ୍ଟାଂଡ ଓ ମାଟିଆପଡା ଛକ ଅର୍ଥାତ୍ ଗୁଣ୍ଡିଚା ମନ୍ଦିରକୁ ଲାଗି ରହିଥିବା ଅଂଚଳରେ ଆଜି ରାତି ୧୦ଟା ପର୍ଯ୍ୟନ୍ତ କର୍ଫ୍ୟୁ ବଳବତର ରହିବ । କେହି ଯେପରି ଏହି ଅଂଚଳରେ ପ୍ରବେଶ ନକରିବେ ସେଥିପ୍ରତି ଗୁରୁତ୍ୱ ଦିଆଯିବ ବୋଲି ପୁରୀ ପ୍ରଶାସନ ସୂଚନା ଦେଇଛନ୍ତି ।