ଭୁବନେଶ୍ୱର- ରଥଯାତ୍ରା ପାଇଁ ପୁରୀରେ କଡା କଟକଣା ଜାରି ହୋଇଥିବା ବେଳେ ଭୁବନେଶ୍ୱରରୁ ପୁରୀକୁ ସଂଯୋଗ କରୁଥିବା ସମସ୍ତ ରାସ୍ତାକୁ ସିଲ୍ କରି ଦିଆଯାଇଛି ।ଭୁବନେଶ୍ୱର ଉପକଣ୍ଠର ୫ ରାସ୍ତାକୁ ବନ୍ଦ କରିବା ସହ ପୁରୀକୁ ସଂଯୋଗ କରୁଥିବା ୩୧୬ ନମ୍ବର ଜାତୀୟ ରାଜପଥ ଉତରା ନିକଟରେ ବ୍ୟାରିକେଟ କରି ରାସ୍ତା ଅବରୋଧ କରାଯାଇଛି । ସେହିପରି ଜଟଣୀ ଥାନା ଅଧୀନ ବୁଢାପଡା ଓ ତିରୁମଲ୍ଲ ନିକଟରେ ମଧ୍ୟ ରାସ୍ତା ସିଲ ହୋଇଛି । ବାଲିପାଟଣା ଥାନା ଅର୍ନ୍ତଗତ ମୁକୁନ୍ଦାଦାସପୁର ଓ ବନମାଳୀପୁର ମଧ୍ୟ ସିଲ କରାଯାଇଛି ।ପୁଲିସ ପକ୍ଷରୁ ବ୍ୟାପକ ବ୍ୟବସ୍ଥା କଡାକଡି କରାଯାଇଛି । ବ୍ୟାରିକେଡ ଜାଗାରେ ୨ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ଏହା ସହ ଗୋଟିଏ ଗୋଟିଏ ଯାଗାରେ ୩ ଜଣ ଏଏସଆଇଙ୍କୁ ମୁତୟନ କରାଯାଇଛି । ଏହି ସୀମା ସିଲ ବୁଧବାର ପର୍ଯ୍ୟନ୍ତ ବଳବତର ରହିବ ।