ଭୁବନେଶ୍ୱର: ଚନ୍ଦକା ବନଖଣ୍ଡ ହଳଦିଆ ଅଂଚଳରୁ ଜଣେ ଶିକାରୀ ଗିରଫ ହୋଇଛନ୍ତି । ଶିକାରୀ ଜଣଙ୍କ ଖୋର୍ଦ୍ଧା ଟାଙ୍ଗିଆପଡା ଅଂଚଳର ଧନେଶ୍ୱର ଜେନା ବୋଲି ଜଣାପଡିଛି । ଧନେଶ୍ୱରଙ୍କ ଠାରୁ ହରିଣ ଚମଡା ସହ ଏକ ବାଇକ୍ ଜବତ ହୋଇଛି । ହଳଦିଆ ରେଞ୍ଜ୍ ବନବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ,ଧନେଶ୍ୱର ଜଣେ ଦେଶୀ ମଦ ବେପାରି । ଧନେଶ୍ୱର ତାଳବସ୍ତ ନିକଟ ହାମିରା ଗାଁ ଦେଇ ଯାଉଥିବା ସମୟରେ ଲୋକେ ଦେଶୀ ମଦ ନେଇ ଯାଉଥିବା ସନେ୍ଦହ କରି ତାଙ୍କୁ ଅଟକାଇଥିଲେ । ତାଙ୍କ ବାଇକ୍ ଡିକି ଖୋଲି ଦେଖିବାରୁ ସେଥିରେ ଏକ ହରିଣ ଚମଡା ଥିଲା । ଲୋକେ ଏନେଇ ହଳଦିଆ ରେଞ୍ଜର ଜୟ କୃଷ୍ଣ ପଣ୍ଡାଙ୍କୁ ଖବର ଦେଇଥିଲେ । ଶ୍ରୀ ପଣ୍ଡା ସେଠାରେ ପହଁଚି ଧନେଶ୍ୱରଙ୍କୁ ଗିରଫ କରିବା ସହ ତାଙ୍କ ଠାରୁ ହରିଣ ଚମଡା ଓ ବାଇକ୍ ଜବତ କରିଥିଲେ ।