ଭୁବନେଶ୍ୱର- ରାଜ୍ୟରେ ଗତ ୨୪ ଘଂଟାରେ କରୋନା ନେଲା ୧୦ ମୁଣ୍ଡ । ଏ ସମ୍ପର୍କରେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି । ୧୦ ମୃତକଙ୍କ ମଧ୍ୟରୁ ଗଞ୍ଜାମ ଜିଲ୍ଲାରୁ ୪, ଖୋର୍ଦ୍ଧା ୨, ନୟାଗଡ, ରାୟଗଡା, ସମ୍ବଲପୁର ଓ ସୁନ୍ଦରଗଡରୁ ଜଣେ ଲେଖାଏଁ ରହିଛନ୍ତି । ଗଞ୍ଜାମରେ କରୋନା ମୃତ୍ୟୁ ସଂଖ୍ୟା ୯୦ରେ ପଂହଚିଥିବା ବେଳେ ଖୋର୍ଦ୍ଧାରେ ଏହା ୨୧, ସୁନ୍ଦରଗଡ, ରାୟଗଡା ଜିଲ୍ଲାରେ ୭ ଲେଖାଏଁ, ସମ୍ବଲପୁରରେ ପ୍ରଥମ କରି କରୋନାରେ ଜଣେ ଆଖି ବୁଜିଛି । ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୧୬୯ରେ ପଂହଚିଛି ।