ଭୁବନେଶ୍ୱରେ- ରାଜ୍ୟରେ କରୋନା ସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ଗତ ୨୪ ଘଂଟାରେ ନୂଆ ୭୧୮ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ ୪୭୯ ସଙ୍ଗରୋଧ କେନ୍ଦ୍ରର ହୋଇଥିବା ବେଳେ ୨୩୯ ସ୍ଥାନୀୟ ସଂକ୍ରମିତ ରହିଛନ୍ତି । ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମରୁ୨୩୧, ଖୋର୍ଦ୍ଧା ୧୫୦, ମାଲକାନାଗିରି ୫୪, କଟକ ୩୨, କେନ୍ଦୁଝର୨୮, କୋରାପୁଟ ୨୭, ଝାରସୁଗୁଡା ୨୪ , ମୟୂରଭଞ୍ଜ ୨୨, ଗଜପତି ୨୧, ରାୟଗଡା ୧୯, ଜଗତସିଂହପୁର ୧୬, ନୟାଗଡ ୧୩, ଭଦ୍ରକ ୧୦, ପୁରୀ , ବାଲେଶ୍ୱର ଓ ଅନୁଗୁଳରୁ ୯ ଜଣ ଲେଖାଏଁ, କନ୍ଧମାଳ ୭, ଢେଙ୍କାନାଳ ୬, କେନ୍ଦ୍ରାପଡା ଓ ବରଗଡରୁ ୪ ଜଣ, ନବରଙ୍ଗପୁରରୁ ଜଣେ ଲେଖାଏଁ ରହିଛନ୍ତି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୬୧୧୦ରେ ପଂହଚିଥିବା ବେଳେ ୧୦୮୭୭ ଆରୋଗ୍ୟ ଲାଭ କରିଛନ୍ତି । ଏଯାବତ୍ ୫୧୨୪ ଜଣ ବିଭିନ୍ନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।