ମୁମ୍ବାଇ: ସାରା ଦେଶ ଏବେ କଠିନ ସମୟ ଦେଇ ଗତି କରୁଥିବା ବେଳେ । କେରୋନା ତାର ଦିନକୁ ଦିନ ତାର କାୟା ବିସ୍ତାର କରି ଚାଲିଛି । ବିଭିନ୍ନ ଡାକ୍ତଖାନାରରେ ଅକ୍ସିଜେନ୍ ଅଭାବରୁ ଲୋକମାନଙ୍କ ଜୀବନ ଯାଉଛି । ଏଭଳି ଘଡିସନ୍ଧି ମୁହୂର୍ତ୍ତରେ ବଲିଉଡ ଅଭିନେତା ଅକ୍ଷୟ କୁମାର ଲୋକଙ୍କ ପାଖରେ ଅକ୍ସିଜେନ୍ ପହଞ୍ଚାଇ ତାଙ୍କ ଜୀବନ ବଞ୍ଚାଇବାକୁ ଆଗେଇ ଆସିଛନ୍ତି । ଏହି ମହତ କାମରେ ତାଙ୍କୁ ସାଥ୍ ଦେଉଛନ୍ତି ତାଙ୍କ ପତ୍ନୀ ଅଭିନେତ୍ରୀ ଟ୍ୱିଙ୍କଲ ଖାନା । ଦେଶରେ ଅକ୍ସିଜେନ ଅଭାବକୁ ଦେଖି ଲୋକଙ୍କ ସହାୟତା ପାଇଁ ଶହେ ଅକ୍ସିଜେନ୍ କନ୍ସେନ୍ଟ୍ରେଟର ଦାନ କରିବାକୁ ନିଷ୍ପତ୍ତି ନେଇଛନ୍ତି । ଏଥିପାଇଁ ସେ ଏକ ପଞ୍ଜିକୃତ ଏନ୍ଜିଓ ସନ୍ଧାନରେ ଅଛନ୍ତି । ଟ୍ୱିଙ୍କଲ୍ ନିଜ ଟ୍ୱିଟର ଆକାଉଣ୍ଟରେ ଲୋକଙ୍କଠାରୁ ସାହାର୍ଯ୍ୟ ଭିକ୍ଷା କରି ଲେଖିଛନ୍ତି, ଦୟାକରି ମୋତେ ଏକ ପ୍ରକୃତ , ବିଶ୍ୱାସଯୋଗ୍ୟ ଓ ପଞ୍ଜିକୃତ ଏନ୍ଜିଓର ଠିକଣା ଦିଅନ୍ତୁ , ଯିଏ ୧୦୦ ଅକ୍ସିଜେନ୍ କନ୍ସେନ୍ଟ୍ରେଟର ବାଣ୍ଟିବାରେ ସାହାର୍ଯ୍ୟ କରିବ । କନ୍ସେନ୍ଟ୍ରେଟର ଗୁଡିକ ସିଧାସଳଖ ୟୁକେରୁ ସେମାନଙ୍କ ନିକଟରେ ପହଞ୍ଚିବ ।