ଶ୍ରୀନଗର: ଭାରତୀୟ ସୁରକ୍ଷା ବାହିନି ଏନକାଉଣ୍ଟରରେ ଆତଙ୍କବାଦି ନିହତ ।ଦକ୍ଷିଣ କଶ୍ମୀରର ଅବନ୍ତୀପୋରା ଜିଲ୍ଲା ଅନ୍ତର୍ଗତ ତ୍ରାଲ ଅଚଂଳରେ ନିରାପତା ବଳଙ୍କ ସହ ଗୁଳି ବିନିମୟ କରି ଜଣେ ଆତଙ୍କବାଦୀ ନିହତ ହୋଇଥିବା କଥା ପୁଲିସ ସୂଚନା ଦେଇଛି । ସେଥିରେ ଜଣେ ଅଚିହ୍ନା ଆତଙ୍କବାଦୀ ନିହତ ହୋଇଛି ବୋଲି ସରକାରୀ ଅଧିକାରୀମାନେ କହିଛନ୍ତି । ପରେ ଅଧିକ ବିବରଣୀ ଦିଆଯିବ ବୋଲି ପୁଲିସ ଟୁଇଟ୍ କରି କହିଛି । ସେ ଅଂଚଳରେ ଆତଙ୍କବାଦୀମାନେ ଅଛନ୍ତି ବୋଲି ସୂଚନା ପାଇବା ପରେ ଭାରତୀୟ ସେନାବାହିନୀର ୪୨ ରାଷ୍ଟୀୟ ରାଇଫଲ୍ ଏବଂ କେନ୍ଦ୍ରୀୟ ରିଜର୍ଭ ପୁଲିସର ମିଳିତ ଦଳ କର୍ଡନ ଆଣ୍ଡ୍ ସର୍ଚ ଅଭିଯାନ ଆରମ୍ଭ କରିଥିଲେ । ନିରାପତା ବଳର ମିିଳିତ ଦଳ ସେଠାରେ ପହଁଚିବା ପରେ ଆତ୍ମଗୋପନ କରିଥିବା ଆତଙ୍କବାଦୀ ମାନେ ତାଙ୍କ ଉପରକୁ ଗୁଳି ବିନିମୟ କରିଥିଲେ । ନିରାପତା ବଳ ତାଙ୍କ ଉପରକୁ ଗୁଳି ଚଳାଇବାରୁ ଏନକାଉଣ୍ଟର ସୂତ୍ରପାତ ହୋଇଥିଲା ।