ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ , ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଆଜି ୪୮ ବୟସରେ ପହଞ୍ଚିଛନ୍ତି । ଜନ୍ମଦିନରେ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟୁଛି । କ୍ରିକେଟ ଜଗତରେ ସର୍ବାଧିକ ରନ ସଂଗ୍ରହ ସହିତ ଅନ୍ୟାନ୍ୟ ବହୁ ରେକର୍ଡର ଅଧିକାରୀ ସଚିନ ୨୦୧୩ରେ କ୍ରିକେଟରୁ ଅବସର ନେଇଥିଲେ । ସଚିନ ରମେଶ ତେନ୍ଦଲକର ମୁମ୍ବାଇର ଦାଦରସ୍ଥିତଏକ ମରାଠୀ ପରିବାରରେ ୧୯୭୩ ଆଜି ଦିନରେ ଜନ୍ମ ହୋଇଥିଲେ । ମାତ୍ର ୧୬ ର୍ଷ ବୟସରଙ୍କ ସେ ପ୍ରଥମେ ପାକିସ୍ତ୍ାନ ବିପକ୍ଷରେ ମ୍ୟାଚ ଖେଳିଥିଲେ । ସୂଚନାନୁସାରେ ସଡକ ସୁରକ୍ଷା କାର୍ଯ୍ୟକ୍ରମରେ ଭାଗନେଇ ତେନ୍ଦୁଲକର ନିକଟରେ କୋଭିଡରେ ସଂକ୍ରମିତ ହୋଇଥିଲେ । ଗତବର୍ଷ ଭଳି ଚଳିତ ବର୍ଷ ମଧ୍ୟ ସେ ତାଙ୍କ ଜନ୍ମଦିନ ପାଳନ କରିନାହାନ୍ତି । ଗତବର୍ଷ କୋଭିଡ ବିରୋଧୀ ଲଢେଇରେ ସାମିଲ ହୋଇଥିବା ସମ୍ମୁଖ ଭାଗ ଯୋଦ୍ଧାଙ୍କ ସମ୍ମାନାର୍ଥେ ସେ ନିଜର ଜନ୍ମଦିନ ପାଳନ ନକରିବାକୁ ନିଷ୍ପତି ନେଇଥିଲେ । ସଂପ୍ରତି କୋଭିଡ କଟକଣା ମଧ୍ୟରେ ସୋସିଆଲ ମିଡିଆରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି । ବହୁ ପପୁରାତନ ଓ ବର୍ତ୍ତମାନର କ୍ରିକେଟ ଖେଳାଳି, ରାଜନୈୀତିଜ୍ଞ, ଚଳଚ୍ଚିତ୍ର ଜଗତର ବ୍ୟକ୍ତିବିଶେଷ ଏବଂ ବିଶ୍ୱର କୋଣ ଅନୁକୋଣରେ ଥିବା ତାଙ୍କ ପ୍ରଶଂସକମାନେ ତେନ୍ଦୁଲକରଙ୍କ ନିକଟକୁ ଶୁଭେଚ୍ଛା ବାର୍ତ୍ତା ପଠାଇଛନ୍ତି ।