ଚନ୍ଦକା: ଡମପଡା ଅଭୟାରଣ୍ୟରେ ଶିକାର କରିବାକୁ ଆସିଥିବା ଶିକାରୀକୁ ଗିରଫ କରିଛି ବନବିଭାଗ । ଶିକାରୀ ଜଣଙ୍କ ହେଉଛନ୍ତି ଡମପଡା ବ୍ଲକ ପାଥପୁର ଗ୍ରାମର ପ୍ରମୋଦ ଗୋଛାୟତ । ତାଙ୍କ ନିକଟରୁ ଗୋଟିଏ ବନ୍ଧୁକ, ଲାଇଟ୍, ବାରଦ , ତାର ପ୍ରମୁଖ ଜବତ ହୋଇଥିବା ସୂଚନା ଦେଇଛନ୍ତି ଡମପଡା ବନବିଭାଗ ରେଞ୍ଜର ସଂଗ୍ରାମ କେଶରୀ ମହାନ୍ତି । ଏହା ସହ ଉକ୍ତ ବ୍ୟକ୍ତିକୁ କୋର୍ଟ ଚାଲଣ କରାଯିବ ବୋଲି ରେଞ୍ଜର କହିଛନ୍ତି । ଆଗକୁ ସୁରକ୍ଷାକୁ କଡାକଡି କରାଯିବା ସହ ଗାର୍ଡ ମାନଙ୍କୁ ଆଲର୍ଟ ରହିବାପାଇଁ ନିର୍ଦେଶ ଦିଆଯାଇଛି ବୋଲି ରେଞ୍ଜର କହିଛନ୍ତି ।