ଅର୍ଥମନ୍ତ୍ରୀ ନିର୍ମଳା ସୀତାରମଣ ଜି-୨୦ ଅର୍ଥମନ୍ତ୍ରୀ ଓ କେନ୍ଦ୍ରୀୟ ବ୍ୟାଙ୍କ ଗଭର୍ଣ୍ଣରମାନଙ୍କ ବୈଠକରେ ଅଂଶଗ୍ରହଣ କରି ସ୍ୱାସ୍ଥ୍ୟ ଓ ଅର୍ଥନୈତିକ ଲକ୍ଷ୍ୟଗୁଡ଼ିକ ମଧ୍ୟରେ ସନ୍ତୁଳନତା ଆଣିବା ଉପରେ ଗୁରୁତ୍ୱାରୋପ କରିଛନ୍ତି। ଭିଡ଼ିଓ କନ୍ଫରେନ୍ସିଂ ମାଧ୍ୟମରେ ଅନୁଷ୍ଠିତ ଏହି ବୈଠକରେ ଜି-୨୦ ଅର୍ଥମନ୍ତ୍ରୀ ଓ କେନ୍ଦ୍ରୀୟବ୍ୟାଙ୍କ ଗଭର୍ଣ୍ଣରମାନେ ସାଂପ୍ରତିକ ବିଶ୍ୱ ଅର୍ଥନୈତିକ ପରିସ୍ଥିତି ଉପରେ ଆଲୋଚନା କରିଛନ୍ତି। କୋଭିଡ-୧୯ ଉପରେ ଜି-୨୦ର ଭୂମିକା ଏବଂ ୨୦୨୦ ଆର୍ଥିକ ବର୍ଷ ପାଇଁ ଅଗ୍ରାଧିକାର କ୍ଷେତ୍ରଗୁଡ଼ିକ ଉପରେ ବୈଠକରେ ଆଲୋଚନା କରାଯାଇଛି। ବୈଠକର ପ୍ରଥମ ଅଧିବେଶନରେ ସୀତାରମଣ କୋଭିଡ-୧୯ ପରିପ୍ରେକ୍ଷୀରେ ଜି-୨୦ କ୍ରିୟାନୁଷ୍ଠାନ ଯୋଜନା ବିଷୟରେ ଆଲୋଚନା କରିଥିଲେ। ଏହାକୁ ଜି-୨୦ ଅର୍ଥମନ୍ତ୍ରୀ ଓ କେନ୍ଦ୍ରୀୟ ବ୍ୟାଙ୍କ ଗଭର୍ଣ୍ଣରମାନେ ଗତ ଏପ୍ରିଲ ମାସରେ ଅନୁଷ୍ଠିତ ପ୍ରଥମ ଅଧିବେଶନରେ ସମର୍ଥନ କରିଥିଲେ। ବୈଠକରେ ସୀତାରମଣ ଜି-୨୦ କ୍ରିୟାନୁଷ୍ଠାନ ଯୋଜନା ସାଂପ୍ରତିକ ପରିସ୍ଥିତିର ଅନୁରୂପୀ ହେବା ପ୍ରତି ଗୁରୁତ୍ୱାରୋପ କରିଥିଲେ। ଜି-୨୦ କ୍ରିୟାନୁଷ୍ଠାନ ଯୋଜନାରେ ନିଆଯାଇଥିବା ନିଷ୍ପତ୍ତିଗୁଡ଼ିକର ସଂଶୋଧନ ପାଇଁ ନୀତି ବିଷୟରେ ବ୍ୟାଖ୍ୟା କରି ସେ ମଧ୍ୟ ସଦସ୍ୟ ଦେଶଗୁଡ଼ିକ ଦ୍ୱାରା ନୀତି ପ୍ରଣୟନରେ ବିବିଧତା ଉପରେ ବିବେଚନା କରାଯିବାକୁ କହିଛନ୍ତି। ସାଉଦି ଆରବ ରାଷ୍ଟ୍ରପତି ଜି-୨୦ ଶିଖର ବୈଠକର ଅଧ୍ୟକ୍ଷ ରହିଛନ୍ତି।