ଭୁବନେଶ୍ୱର: ରାଜ୍ୟଧାନୀ ଭୁବନେଶ୍ୱରରେ ପେଟ୍ରୋଲ ଲିଟର ପିଛା ମୂଲ୍ୟ ଆଜି ୯୯ଟଙ୍କା ଟପିଛି । ଦେଶରେ ପେଟ୍ରୋଲ ଲିଟର ପିଛା ୩୫ ପଇସା ଓ ଡିଜେଲ ଲିଟର ପିଛା ୨୬ ପଇସା ଆଜି ବୃଦ୍ଧି ପାଇଛି ।
ଫଳରେ ଭୁବନେଶ୍ୱରରେ ଆଜି ପେଟ୍ରୋଲ ଲିଟର ପିଛା ରେକର୍ଡ ସ୍ତର ଟ.୯୯.୨୪ ରେ ପହଞ୍ଚିଛି । ଆସନ୍ତା ଦିନେ ୨ଦିନ ମଧ୍ୟରେ ଭୁବନେଶ୍ୱରରେ ପେଟ୍ରୋଲ ଶତକ ଛୁଇବା ସମ୍ଭାବନା ରହିଛି । ସେହିପରି ଡିଜେଲ ଦର ୯୬.୮୮ ରେ ପହଞ୍ଚିଛି । ତେବେ ଭାଟ ଅନୁସାରେ ରାଜ୍ୟର ଅନ୍ୟ ଜିଲ୍ଲାରେ ଦରରେ ତାରତମ୍ୟ ପରିଲକ୍ଷିତ ହେଉଛି । ସମ୍ବଲପୁରରେ ପେଟ୍ରୋଲ ଟ.୯୯.୮୪ ଓ ଡିଜେଲ ଟ.୯୭.୪୮ରେ ବିକ୍ରି ହେଉଛି । ମାଲକାନଗିରିରେ ପେଟ୍ରୋଲ ଟ.୧୦୪.୩୧ ଓ ଡିଜେଲ ୧୦୧.୭୯ରେ ବିକ୍ରି ହେଉଛି । ସେହିପରି ବାଲେଶ୍ୱରରେ ପେଟ୍ରୋଲ ଟ. ୯୯.୨୪ ଓ ଡିଜେଲ ଟ.୯୬.୮୯ରେ ବିକ୍ରି ହେଉଛି । କୋରାପୁଟରେ ପେଟ୍ରୋଲ ଟ.୧୦୩.୫୫ ଓ ଡିଜେଲ ଟ. ୧୦୧.୦୬ରେ ବିକ୍ରି ହେଉଛି ।