ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ୩ ଦିନିଆ ରୁଷ ଗସ୍ତରେ ଯାଇଛନ୍ତି। ମସ୍କୋରେ ଆୟୋଜିତ ହେଉଥିବା ବିଜୟ ଦିବସ ପରେଡରେ ରାଜନାଥ ଅଂଶଗ୍ରହଣ କରିବେ। ଜର୍ମାନୀ ଉପରେ ସୋଭିଏଟ ରୁଷର ବିଜୟର ୭୫ତମ ବର୍ଷ ଉପଲକ୍ଷେ ଏହି ପରେଡ୍ ଅନୁଷ୍ଠିତ ହେଉଛି। ଏହା ସହିତ ରାଜନାଥ ଭାରତ-ରୁଷର ପ୍ରତିରକ୍ଷା ଏବଂ ରଣନୀତିକ ଭାଗିଦାରିକୁ ଆହୁରି ମଜଭୁତ କରିବା ଲାଗି ଆଲୋଚନା କରିବେ। ସେହିପରି ଭାରତ-ଚୀନ ସୀମା ବିବାଦ ଲାଗି ରହିଥିବାବେଳେ ରାଜନାଥଙ୍କ ରୁଷ ଗସ୍ତର ବେଶ୍ ଗୁରୁତ୍ଵ ରହିଛି। ସୀମା ବିବାଦ ପ୍ରସଙ୍ଗରେ ରୁଷ ମଧ୍ୟସ୍ଥ କରିବା ଲାଗି ଉଦ୍ୟମ ଚଳାଇଛି।