ଖୋର୍ଦ୍ଧା: ଗୁରୁଜଙ୍ଗ ସାମ୍ବାଦିକ ଜିତୁ ସାହୁଙ୍କ ଘର ଉପରକୁ କିଛି ଦୁର୍ବୃତ ବୋମା ମାଡ କରିଛନ୍ତି । ଗୁରୁବାର ବିଳମ୍ବିତ ରାତିରେ ଏହି ଘଟଣା ହୋଇଥିବା ଜଣାପଡିଛି । ୩/୪ ଜଣ ଯୁବକ ରାତି ପ୍ରାୟ ୧୧ଟା ୫୦ରେ ତାଙ୍କ ଘରକୁ ୩ଟି ବୋମା ଫିଙ୍ଗିଥିଲେ । ପରେ ସେମାନେ ଫେରାର ହୋଇଯାଇଥିଲେ । ଖବରପାଇ ଏସଡିପିଓ ସୁଶିଲ ମିଶ୍ର ଓ ଆଦର୍ଶ ଥାନା କର୍ମଚାରୀ ଘଟଣାସ୍ଥଳରେ ପହଁଚି ଛାନଭିନ୍ କରିଛନ୍ତି । କେଉଁ କାରଣ ପାଇଁ ବୋମା ମାଡ ହୋଇଛି ତାହା ସ୍ପଷ୍ଟ ହୋଇନାହିଁ । ପୂର୍ବରୁ ମଧ୍ୟ ବହୁଥର ସାମ୍ବାଦିକମାନଙ୍କ ଉପରକୁ ଆକ୍ରମଣ କରାଯାଇଛି ।