ନୂଆଦିଲ୍ଲୀ- ମନକି ବାତ ଜରିଆରେ ଦେଶାବସୀଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ । ଆଜି ପୁଣି ଥିରେ ଦେଶାବସୀଙ୍କୁ ଆତ୍ମନିର୍ଭର ଶୀଳ ହେବା ପାଇଁ ଆହ୍ୱାନ ଦେଇଛନ୍ତି । ବିଶେଷ କରି ଖେଳନା ଶିଳ୍ପ ଏବଂ ଦେଶରେ ତିଆରି ହେଉଥିବା ଆପ ବ୍ୟବହାର ଉପରେ ଅଧିକ ଗୁରୁତ୍ୱ ଦେଇଥିଲେ । ଦେଶରେ କିଭଳି ଭାବେର ଖେଳନା ଶିଳ୍ପ ଆଗକୁ ବଢିବ ସେ ବିଷୟରେ ଆଲୋଚନା କରିଛନ୍ତି । ବିଦେଶରୁ ଆସୁଥିବା ଖେଳନା ବ୍ୟବହାର ନ କରି ଦେଶରେ ତିଆରି ହେଉଥିବା ଖେଳନାକୁ ବ୍ୟବହାର କରିବା ପାଇଁ ମୋଦୀ ଆହ୍ୱାନ ଦେଇଥିଲେ । ଦେଶରେ ଲୋକପ୍ରିୟତା ହାସଲ କରୁଥିବା ଚିଙ୍ଗାରି ଆପକୁ ଯୁବପିଢି ଅନେକାଂଶରେ ବ୍ୟବହାର କରିବା ପାଇଁ କହିଛନ୍ତି । ଏତଦ୍ ବ୍ୟତିତ କୃଷି ଓ କୃଷକ କଥା ବି ଆଲୋଚନା କରିଛନ୍ତି । ଗତ ବର୍ଷ ତୁଳନାରେ ଏଥର ଅଧିକ ଖରିଫ ଫସଲ ଚାଷ ହୋଇଥିବା ନେଇ କୃଷ ଭାଇଙ୍କୁ ଧନ୍ୟବାଦ ଜଣାଇଛନ୍ତି ମୋଦୀ ।