କୋଲକତା: ୟୁନାଇଟେଡ ନେସନ୍ସ ୟୁନିଭରସିଟି ଫର ଗ୍ଲୋବାଲ ପିସ ଏବଂ ଇଂଟରନେଶନାଲ ବେନିଭୋଲାଂଟ ରିସର୍ଚ୍ଚ ଫାଉଣ୍ଡେସନ ର ମିଳିତ ଆନୁକୂଲ୍ୟରେ କୋଲକତାସ୍ଥିତ ଭେଦିକ ଭିଲେଜ ରିସୋର୍ଟସରେ ଗତ ୨୨ତାରିଖ ଦିନ ଏକ ଦୀକ୍ଷାନ୍ତ ସମାରୋହ ଅନୁଷ୍ଠିତ ହୋଇଯାଇଛି । ଏଥିରେ ବିଶ୍ୱଶାନ୍ତି ଓ ମୂଲ୍ୟବୋଧ ଭିତକ ଶିକ୍ଷା ସମ୍ବନ୍ଧରେ ଆଲୋଚନା ସହିତ ବିଭିନ୍ନ କ୍ଷେତ୍ରରେ ଲବ୍ଧ ପ୍ରତିଷ୍ଠିତ ବ୍ୟକ୍ତି ବିଶେଷଙ୍କୁ ବିଭିନ୍ନ କ୍ଷେତ୍ରରେ ପାରଦର୍ଶିତା ପାଇଁ ୟୁନିଭରସିଟି ତରଙ୍କରୁ ପି.ଏଚ.ଡି. ଲିଟ ଡିଗ୍ରୀ ପ୍ରଦାନ କରାଯାଇଥିଲା । ଉକ୍ତ ସମାରୋହରେ ଦେଶ ବିଦେଶରୁ ବହୁ ପ୍ରତିଷ୍ଠିତ ବ୍ୟକ୍ତି ବିଶେଷଙ୍କ ସହିତ ପୂର୍ବତନ ବିଧାୟକ ତଥା ରାଜ୍ୟ ହାଉସିଂ ବୋର୍ଡର ଅଧ୍ୟକ୍ଷ ଶ୍ରୀ ପ୍ରିୟଦର୍ଶୀ ମିଶ୍ର ସମ୍ମାନିତ ଅତିଥିଭାବେ ଯୋଗଦେଇ ବିଶ୍ୱଶାନ୍ତିରେ ମୂଲ୍ୟବୋଧ ଭିତିକ ଶିକ୍ଷା ସମ୍ବନ୍ଧରେ ଅଭିଭାଷଣ ରଖିଥିଲେ ଏବଂ ଶ୍ରୀ ମିଶ୍ରଙ୍କୁ ‘ହ୍ୟୁମାନଟାରିୟାନ ଏକ୍ସଲେନ୍ସ ଆୱାଡ’ ପ୍ରଦାନ କରାଯାଇଥିଲା ।