ନୂଆଦିଲ୍ଲୀ- ଜାମ୍ମୁ-କାଶ୍ମୀର ପୁଲୱମା ଜିଲ୍ଲା ଅନ୍ତର୍ଗତ ଗୁସୋ ଗାଁରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଏନକାଉଂଟର ହୋଇଛି । ଏନକାଉଂଟରରେ ଜଣେ ଯବାନ ସହିଦ ହୋଇଥିବା ବେଳେ ଅନ୍ୟଜଣେ ଯବାନ ଓ ପୋଲିସ କର୍ମଚାରୀ ଗୁରୁତର ଆହତ ହୋଇଛନ୍ତି । ଏଥିରେ ଜଣେ ଆତଙ୍କବାଦୀ ନିହତ ହୋଇଛି । ତେବେ ଆତଙ୍କବାଦୀଙ୍କ ଗୋପନୀୟତା ସମ୍ପର୍କରେ ସୂଚନା ପାଇବା ପରେ ପୁଲିସ, ୫୩ ଆରଆର ଓ ସିଆରପିଏଫର ମିଳିତ ଦଳ ଗୁସୋ ଗାଁରେ କର୍ଡନ ଆଣ୍ଡ ସର୍ଚ ଅପେରେସନ ଚଳାଇଥିଲେ ବୋଲି ଜାମ୍ମୁ-କାଶ୍ମୀର ପୁଲିସ କର୍ମଚାରୀ କହିଛନ୍ତି । ସନ୍ଦିଗ୍ଧ ସ୍ଥାନକୁ ମିଳିତ ଦଳ ଘେରାଉ କରିବା ପରେ ଆତଙ୍କବାଦୀମାନେ ଗୁଳି ଚଳାଇଥିଲେ । ଆତଙ୍କବାଦୀଙ୍କୁ ଆତ୍ମସମର୍ପଣ ପାଇଁ କହିଥିଲେ ମଧ୍ୟ ନିରାପତା ବଳଙ୍କ ଉପରକୁ ଗୁଳି ବର୍ଷଣ କରିଥିଲେ ଆତଙ୍କବାଦୀ । ତେବେ କର୍ଡନ ଭିତରେ ଆଉ ଦୁଇ ତିନି ଆତଙ୍କବାଦୀ ରହିଥିବା ଅନୁମାନ କରାଯାଉଥିବା ପୁଲିସ ପକ୍ଷରୁ କୁହାଯାଇଛି ।