ନୂଆଦିଲ୍ଲୀ : ଗଲୱାନରେ ସୀମା ସଂଘର୍ଷକୁ ନେଇ ବିଜେପି ଓ କଂଗ୍ରେସ ପରଷ୍ପରଙ୍କୁ ଦୋଷାରୋପ କରୁଛନ୍ତି । ଏହି ପରିପ୍ରେଖୀରେ ପିଏମ୍ କେୟାର ଫଣ୍ଡକୁ ନେଇ ବିଜେପିକୁ ଘେରିଛି କଂଗ୍ରେସ । କଂଗ୍ରେସ ନେତା ଅଭିଷେକ ମନୁ ସିଂଭି କହିଛନ୍ତି , “ ଚୀନ ସହିତ ବିବାଦୀୟ ପରିସ୍ଥିତିରେ ପିଏମ୍ କେୟାର ଫଣ୍ଡରେ ଚାଇନା ଟଙ୍କା କାହିଁକି ଆସିଛି ? ବିବାଦୀୟ କମ୍ପାନୀ ହୁୱାଇରୁ ପ୍ରଧାନମନ୍ତ୍ରୀ ୭ କୋଟି ପାଇଛନ୍ତି କି ? ଚାଇନାର ପିଏଲଏ ସହିତ ହୁୱାଇର ସମ୍ପର୍କ ଅଛି କି? ଟିକଟକ୍ ଫଣ୍ଡକୁ ୩୦ କୋଟି ଦାନ କରିଛି କି ? ପେଟିଏମ୍ ଓ ଓପୋ ଯଥାକ୍ରମେ ୧୦୦ କୋଟି ଓ ୧ କୋଟି ଦେଇଛନ୍ତି କି ? ଏହା ବ୍ୟତୀତ ପିଏମ୍ କେୟାର ଫଣ୍ଡକୁ ଆସିଥିବା ୯,୬୭୮ କୋଟି ଟଙ୍କାରୁ ଏପର୍ଯ୍ୟନ୍ତ କେତେ ଟଙ୍କା ବିନିଯୋଗ ହୋଇଛି ? ସିଂଭି ଆହୁରି କହିଛନ୍ତି ଦେଶ ସହ ଶତ୍ରୁତା ରଖି ଥିବା ଚୀନଠାରୁ ଅର୍ଥ ଗ୍ରହଣ କରି ପ୍ରଧାନମନ୍ତ୍ରୀ କିପରି ଚୀନ ଠାରୁ ଦେଶକୁ ରକ୍ଷା କରିବେ ।