ନୂଆଦିଲ୍ଲୀ : ଚୀନର ଦୁଃସାହାସର ଜବାବ ଦେବାକୁ ପ୍ରଧାନମନ୍ତ୍ରୀ ମୋଦୀଙ୍କ ବୟାନ ପରେ ଭାରତୀୟ ପ୍ରତିରକ୍ଷା ବାହିନୀ ଯୁଦ୍ଧ ପ୍ରସ୍ତୁତି ଆରମ୍ଭ କରିଦେଇଛି । ସମଗ୍ର ଚୀନ ସୀମାରେ ଭାରତ ପକ୍ଷରୁ ରଣସଜ୍ଜା ଆରମ୍ଭ ହୋଇଯାଇଛି । ଭାରତୀୟ ବାୟୁସେନାର ଲଢୁଆ ବିମାନ ସୁଖୋଇ, ମିରେଜ-୨୦୦୦,ଜାଗୁଆର ଲଢୁଆ ବିମାନ କୁ ଚୀନ ସୀମାରେ ଥିବା ଫରଓ୍ଵାର୍ଡ ବେସଗୁଡ଼ିକରେ ମୁତୟନ କରାଯାଇଛି । ଏହା ସହିତ ଆମେରିକାଠାରୁ କିଣାଯାଇଥିବା ଆପାଚେ ଲଢୁଆ ହେଲିକାପ୍ଟର କୁ ମଧ୍ୟ ମୁତୟନ କରାଯାଇଛି ।
ବାୟୁସେନା ମୁଖ୍ୟ ଆରକେଏସ ଭାଦୁରିଆ ଶ୍ରୀନଗର ଓ ଲେହରେ ଥିବା ବାୟୁସେନା ଘାଟିଗୁଡ଼ିକୁ ପରିଦର୍ଶନ କରି ସ୍ଥିତିର ସମୀକ୍ଷା କରିଛନ୍ତି । ସମଗ୍ର ଭାରତୀୟ ବାୟୁସୀମାରେ ସତର୍କତା ଜାରି କରାଯାଇଛି । ଅନ୍ୟପକ୍ଷରେ ଭାରତୀୟ ସେନା ମଧ୍ୟ ନିଜର ଟ୍ୟାଙ୍କ ଓ ଅନ୍ୟ ଯୁଦ୍ଧଯାନଗୁଡ଼ିକୁ ଚୀନ ସୀମାରେ ମୁତୟନ କରିଛି ।