ଭଦ୍ରକ : ସିଭିଲ ଇଞ୍ଜିନିୟର ବୋହୂ କରୁଥିଲା ଦେଶୀ ମଦ ବେପାରୀ ! ଆଉ ତାଙ୍କୁ ସହଯୋଗ କରୁଥିଲେ ଦୁଇ ପୁଅ ଓ ଶାଶୂ । ଏପରି ଅଭିଯୋଗ ଆସିଛି ଭଦ୍ରକ ଜିଲ୍ଲା ରୁ । ମଦ ବେପାର ନେଇ ଗ୍ରାମାଂଚଳ ପୁଲିସ ଜାଣିପାରି ଚଢଉ କରି ଇଞ୍ଜିନିୟର ବୋହୂ ଓ ଶାଶୁଙ୍କୁ ଗିରଫ କରିଥିବା ବେଳେ ବହୁ ପରିମାଣର ଦେଶୀ ମଦ ଜବତ କରାଯାଇଛି । ଗ୍ରାମାଂଚଳ ଥାନା ଘୁଷୁରିପୋଖରୀ ଗାଁ ସରସ୍ୱତୀ ସିଂ ଘର ପଛ ପାଶ୍ୱର୍ରେ ଦେଶି ମଦ ରାନ୍ଧି ବେପାର କରୁଥିଲେ । ଏ ସମ୍ପର୍କରେ ପୁଲିସ ଜାଣିପାରି ଗୁରୁବାର ଅଚାନକ ଜଢଉ କରି ଏକ ହଜାର ଲିଟରରୁ ବି ଅଧିକ ଦେଶୀ ମଦ ଜବତ କରିଥିଲେ । ଏହି ଅଭିଯୋଗରେ ପୁଲିସ ବୋହୂ ସରସ୍ୱତୀ ଓ ତାଙ୍କ ଶାଶୂଙ୍କୁ ଗିରଫ କରିଛି । ଚଢ଼ଉ ସମ୍ପର୍କରେ ଜାଣିପାରି ସ୍ୱରସ୍ୱତୀଙ୍କ ଦୁଇ ପୁଅ ଫେରାର ହୋଇଯାଇଛନ୍ତି ।ଘଟଣା ସ୍ଥଳରୁ ପୁଲିସ ଗୋଟିଏ କାର ଓ ଗୋଟିଏ ସ୍କୁଟି ଜବତ କରିଛି । ଏହାଛଡା ନଗଦ ଏକ ଲକ୍ଷ ଟଙ୍କା ମଧ୍ୟ ଜବତ କରିଛି । ଗିରଫ ହୋଇଥିବା ବୋହୂ ସିଭିଲ ଇଞ୍ଜିନିୟରିଂ ପାସ କରିଥିବା ଜଣାପଡିଛି ।