କୋଲକାତା: ବାଂଲାଦେଶ ପୋଲିସର (ସିଟିଟିସି)ଶାଖା୨୫ ବର୍ଷୀୟ ଭାରତୀୟ ମହିଳାଙ୍କୁ ବାଂଲାଦେଶର ରାଜଧାନୀ ଢାକାର ସଦରଘାଟରୁ ଗିରଫ କରିଛି । ଗିରଫ ହୋଇଥିବା ମହିଳା ଜଣଙ୍କ ନିଓ ଜମ୍ମାତ – ଉଲ- ମୁଝାଇଦ୍ଧୀନ ବାଂଲାଦେଶ ସହ ସଂପର୍କ ରଖିଥିଲେ । ଏବଂ ଭାରତୀୟ ଯୁବତୀ ମାନଙ୍କୁ ‘ଜେଏମବି’ର ଏକ ମହିଳା ଶାଖାରେ ନିଯୁକ୍ତି ଦେଉଥିବାର ତାଙ୍କ ନାଁ ରେ ଅଭିଯୋଗ ହୋଇଛି । ସିଟିଟିସି ରିପୋର୍ଟ ଅନୁସାରେ ସଂପୃକ୍ତ ମହିଳା ଜଣଙ୍କ ଜାଲ ପାସପୋର୍ଟ ଜରିଆରେ ବାଂଲାଦେଶରେ ରହୁଥିଲେ । ସିଟିଟିସିର ଆସିଷ୍ଟାଂଟ କମିଶନର ଏସ.କେ ଇମରାନ ହୋସାନୀ କହିଛନ୍ତି , ଅଭିଯୁକ୍ତ ମହିଳାଙ୍କୁ ପଚରାଉଚରା ପାଇଁ ୪ ଦିନିଆ ରିମାଣ୍ଡରେ ନିଆଯାଇଛି ।