ଟିଭି ସିରିଏଲ ସସୁରାଲ୍ ସିମର୍ ଫେମ୍ ଅଭିନେତା ସୋଏବ ଇବ୍ରାହିମ ନିଜ ଫିଟ୍ନେସ୍କୁ ନେଇ ବେଶୀ ସତର୍କ ଥାନ୍ତି। ଏଥିପାଇଁ ନିଜ ଖାଦ୍ୟପେୟ ଏବଂ ଜିମ୍ ଯିବା ଉପରେ ଧ୍ୟାନ ଦେଇଥାନ୍ତି। କରୋନା ଯୋଗୁ ଜିମ୍ ବନ୍ଦ ଥିବାରୁ ସୋଏବ ଏବେ ଘରେ ଓ୍ବାର୍କଆଉଟ୍ କରୁଛନ୍ତି।
ଇନ୍ଷ୍ଟାଗ୍ରାମରେ ସେ ଏକ ଭିଡିଓ ଶେୟାର କରିଥିଲେ। ଭିଡିଓରେ ସ୍ତ୍ରୀ ଦୀପିକା କକ୍କରଙ୍କୁ ପିଠିରେ ବସାଇ ପୁଶ୍ଅପ୍ ମାରୁଥିବାର ଦେଖାଯାଇଛି। ଏହି ଭିଡିଓଟି ବେଶ୍ ମଜ଼ାଦାର ହୋଇଛି। ପୁଶ୍ଅପ୍ ମାରୁଥିବାବେଳେ ଇବ୍ରାହିମ୍ ହସୁଛନ୍ତି। ସେପଟେ ଦୀପିକା କାଳେ ପଡିଯିବେ ସେ ନେଇ ଭୟ କରୁଛନ୍ତି। ଭିଡିଓର କ୍ୟାପଶନ୍ ରେ ଇବ୍ରାହିମ୍ ଲେଖିଛନ୍ତି, ଏହା କରିବା ପାଇଁ ଆଜି ମ୍ୟାଡାମ୍ଙ୍କ ଜିଦ୍ ଥିଲା।