ମୁମ୍ବାଇ- ବଲିଉଡର ହଟ୍ କପଲ୍ ଲିଷ୍ଟରେ ସାମିଲ ଥିବା ଅର୍ଜୁନ କପୁର ଓ ମଲ୍ଲାଇକା ଅରୋରାଙ୍କ ସମ୍ପର୍କକୁ ନେଇ ସବୁବେଳେ ଚର୍ଚ୍ଚା । ଦୁହେଁ ଦୁହିଁଙ୍କର ରୋମାଣ୍ଟିକ୍ ଫଟୋ ସୋସିଆଲ ମିଡିଆରେ ସେୟାର କରନ୍ତି । ମଲାଇକା-ଅର୍ଜୁୁନ ବହୁବାର ନିଜ ସମ୍ପର୍କକୁ ନେଇ ଖୋଲି କହିଛନ୍ତି ।
ସେମାନଙ୍କ ସମ୍ପର୍କକୁ ନେଇ ଯେବେଠାରୁ ଖବର ଆସିଛି, ସେବେଠାରୁ ଦୁହିଁଙ୍କ ବିବାହକୁ ନେଇ ଚର୍ଚ୍ଚା ଲାଗିରହିଛି । ଏବେ ସେମାନଙ୍କ ବିବାହକୁ ନେଇ ଏକ ବଡ ଖବର ଆସିଛି ।
୪୬ ବର୍ଷୀୟା ମଲାଇକା ଜୁନରେ ହିଁ ୩୩ ବର୍ଷର ଅର୍ଜୁନ କପୁରଙ୍କ ସହ ବିବାହ ବନ୍ଧନରେ ବାନ୍ଧି ହେବେ । ମଲାଇକା ଓ ଅର୍ଜୁନଙ୍କ ପରିବାରରେ ବାହାଘରକୁ ଗ୍ରୀନ୍ ସିଗନାଲ ମିଳିଥିବା ଜଣାପଡିଛି । ନିକଟରେ ଏ ସମ୍ପର୍କରେ ଅର୍ଜ୍ଜୁନଙ୍କୁ ପଚରା ଯିବାରୁ ସେ କହିଥିଲେ ତାଙ୍କୁ ଏବେ ମାତ୍ର ୩୩ ବର୍ଷ ତେଣୁ ଏବେ ତାଙ୍କର ବିବାହ କରିବାର ପ୍ରଶ୍ନ ଉଠୁନାହିଁ। ତେଣୁ ମଲାଇକା-ଅର୍ଜ୍ଜୁନ ଯେ ଏବେ ବିବାହ କରୁ ନାହାନ୍ତି ତାହା ଅର୍ଜ୍ଜୁନ ସ୍ପଷ୍ଟ କରିଛନ୍ତି।