ଟୋକିଓ: ପଡୋଶୀ ଦେଶଗୁଡିକର ଭୂମି ଉପରେ ଚୀନ୍ ଜବରଦସ୍ତ କବ୍ଚା କରିବାକୁ ଉଦ୍ୟମ କରୁଛି । ଚୀନ୍ ଲଦାଖରେ ଭାରତ ସହିତ ସୀମା ବିବାଦକୁ ତୀବ୍ର କରିବା ସହ ସେପଟେ ସେନକାକୁ ଦ୍ୱୀପପୁଞ୍ଜକୁ ନେଇ ଜାପାନ ସହିତ ମୁହାଁମୁହିଁ ହୋଇଛି । ସମଗ୍ର ବିଶ୍ୱ କରୋନା ଭାଇରସର ମୁକାବିଲା କରିବାରେ ବ୍ୟସ୍ତ ଥିବାବେଳେ ଚୀନ୍ ଏଭଳି ଆଭିମୁଖ୍ୟକୁ ସାରା ବିଶ୍ୱରେ ନିନ୍ଦା କରାଯାଉଛି । ଜାପାନର ରାଜଧାନୀ ଟୋକିଓରେ ଚୀନ୍ ରାଷ୍ଟ୍ରପତି ସି ଜିନ୍ପିଙ୍ଗଙ୍କ ବିରୋଧରେ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଛି । ବିକ୍ଷୋଭକାରି ମାନେ ଜିନପିଙ୍ଗଙ୍କ ବଦଳରେ ଆଉ ଜଣେ ନିର୍ବାଚିତ ନେତା ଚୀନର ମୁଖ୍ୟ ହେବା ଉଚିତ୍ ବୋଲି ମତ ଦେଇଛନ୍ତି ।