ଭୁବନେଶ୍ବର: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ତୃଣମୁଳ କଂଗ୍ରେସ(ଟିଏମ୍ସି)ର ବିଜୟ ଲାଭ ହୋଇଛି । ଏନେଇ ଆଜି ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଫୋନ୍ କରି ବଧାଇ ଜଣାଇଛନ୍ତି । ପଶ୍ଚିମବଙ୍ଗ ବିଧାନସଭାରେ ମୋଟ୍ 294ଟି ଆସନରୁ 213ଟି ଆସନରେ ବିଜୟ ଲାଭ କରିଛି ଟିଏମ୍ସି । ଅନ୍ୟପଟେ ମୋଦୀ ଓ ସାହାଙ୍କ ଜୋରଦାର ପ୍ରଚାର ସତ୍ତ୍ବେ ମଧ୍ୟ କ୍ଷମତା ଦାଖଲ କରିବାରେ ବିଫଳ ହୋଇଛି ବିଜେପି । 2019 ଲୋକସଭା ନିର୍ବାଚନରେ ବିଜେପି ଏଠାରୁ 18 ଟି ସିଟ୍ ଜିତିଥିଲେ ମଧ୍ୟ ଏଥର ବିଧାନସଭା ନିର୍ବାଚନରେ ମମତାଙ୍କ ଆଗରେ ହାର ମାନିଛନ୍ତି ମୋଦୀ ଓ ସାହା । ତେବେ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ପୂର୍ବରୁ ଟିଏମ୍ସି ଦଳ ସହ ଥିବା ବେଳେ ମମତାଙ୍କ ଘନିଷ୍ଠ ମଧ୍ୟ ଥିଲେ । କିନ୍ତୁ ନିର୍ବାଚନ ପୂର୍ବରୁ ସେ ଦଳ ଛାଡ଼ି ବିଜେପିରେ ଯୋଗ ଦେଇଥିଲେ । ଏଥିସହ ଏହି ବିଧାନସଭା ନିର୍ବାଚନରେ ଶୁଭେନ୍ଦୁ ନନ୍ଦିଗ୍ରାମରୁ ପ୍ରାର୍ଥୀ ହୋଇଥିବା ବେଳେ ମମତା ତାଙ୍କୁ ଚ୍ୟାଲେଞ୍ଜ ଦେଇ ପ୍ରାର୍ଥୀ ହୋଇଥିଲେ ।