ଯାଜପୁର: ମଙ୍ଗଳପୁର ଥାନା କନିକାପଡ଼ା ପଂଚାୟତ ଶ୍ରୀରାମପୁର ଗ୍ରାମରେ ଗତ ଡିସେମ୍ବର ୨୬ ତାରିଖ ଶନିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଘର ସହ ଜଣେ ମହିଳା ଜଳି ଯାଇଥିଲେ । ପୁଲିସ ପ୍ରାଥମିକ ସ୍ତରରେ ଅପମୃତୁ୍ୟ ମାମଲା ରୁଜୁ କରି ତଦନ୍ତ୍ ଜାରି ରଖିଥିଲା । ମୃତ ମହିଳାଙ୍କ ବାପା ପଞ୍ଚାନନ ନାୟକଙ୍କ ଲିଖିତ ଅଭିଯୋଗକୁ ଭିତ୍ତି କରି ପୁଲିସ ୫୮୮/୨୦ ଭାରତୀୟ ଦଣ୍ଡ ସଂଗୀତା ଧାରା ୪୯୮ (କ), ୩୦୨, ୩୦୪ (ଖ) ଏବଂ ୩୪ରେ ମାମଲା ରୁଜୁ କରି ପ୍ରଥମେ ମହିଳାଙ୍କ ଦିଅର ବିଜୟ ଦାସଙ୍କୁ ଗିରଫ କରିଥିଲା । ପରେ ଶଶୁର ନିରଞ୍ଜନ, ଶାଶୁ ନିଧିଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ସମସ୍ତଙ୍କ ଜାମିନ ନାମଂଜୁର ହେବାରୁ ସମସ୍ତଙ୍କୁ ଜେଲ ଯିବାକୁ ପଡ଼ିଥିବା ବେଳେ ଏହି ଘଟଣାରେ ମଙ୍ଗଳପୁର ଥାନାଧିକାରୀ ଅସିତ୍ ରଜଂନ ମହାନ୍ତି ଜାନୁଆରୀ ୨ ତାରିଖ ଶନିବାର ଦିନ ମହିଳାଙ୍କ ସ୍ୱାମୀ ଅନିରୁଦ୍ଧ ଦାସ ଓରଫ ଅଜୟକୁ ଗିରଫ କରି କୋର୍ଟ ଚାଲାଣ କରିଛି ।