ବ୍ୟାସନଗର : କଳିଙ୍ଗନଗର ଅତିରିକ୍ତ ଜିଲ୍ଲାପାଳ ସନ୍ତୋଷ କୁମାର ମିଶ୍ର ଗତ ୩O ତାରିଖରେ ଅବସର ନେବା ପରେ ଯାଜପୁରର ଅତିରିକ୍ତ ଜିଲ୍ଲାପାଳ ଶ୍ରୀ ନବକୃଷ୍ଣ ଜେନା ଆଜି ଯାଜପୁର ରୋଡ ଠାରେ ପହଞ୍ଚି କଳିଙ୍ଗନଗର ଅତିରିକ୍ତ ଜିଲ୍ଲାପାଳ ଭାବେ ଦାୟିତ୍ୱ ଗ୍ରହଣ କରିବାପରେ ଯାଜପୁର ରୋଡ ସିଭିଲସୋସାଇଟିର ଆବାହକ ବିବେକାନନ୍ଦ ମହାନ୍ତି, କୋରାଇ ସଂଗ୍ରାମ ସମିତି ସଭାପତି ବିଦ୍ୟାଧର ମହାନ୍ତି, ଅଭିମନ୍ୟୁ ମିଶ୍ର , ଶିଶିର କୁମାର ରାଉତ, ସନ୍ତୋଷ କୁମାର ମହାନ୍ତି, ପ୍ରଦ୍ୟୁମ୍ନ କୁମାର ବୋଇତାଇ, ହର୍ଷବର୍ଦ୍ଧନ ବେହେରା, ପ୍ରଶାନ୍ତ କୁମାର ପାତ୍ର, ପବିତ୍ରରଞ୍ଜନ ମହାନ୍ତି ପ୍ରମୁଖ ପହଞ୍ଚି ଶ୍ରୀ ଜେନାଙ୍କୁ ଅଭିନନ୍ଦନ ଜଣାଇଥିଲେ.। ଯାଜପୁର ରୋଡ ଏଯାବତ ସବଡିଭିଜନ ମାନ୍ୟତା ପାଇନଥିବା ବେଳେ ଏଠାରେ ଥିବା ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟ ଦକ୍ଷତା ଏକ ଗୁରୁତ୍ୱପୂର୍ଣ୍ଣ ଅଟେ ବୋଲି ଆଲୋଚନା କରିବା ସହ ସହରର ବହୁ ଉନୟନ କାର୍ଯ୍ୟ ଉପରେ ଧ୍ୟାନ ଦେବାକୁ ଅନୁରୋଧ କରିଥିଲେ. ବ୍ୟାସନଗର ସହର ପ୍ରତି ବିକାଶର ପ୍ରାଥମିତା ଦିଆ ଯିବ ବୋଲି ଅତିରିକ୍ତ ଜିଲ୍ଲାପାଳ ଶ୍ରୀ ଜେନା ପ୍ରକାଶ କରିଥିଲେ l