କାଲିମେଳା : କାଲିମେଳା ପୋଲିସକୁ ବଡ଼ ସଫଳତା,ଟାଟା ଆଇଚର ଟ୍ରକ ସହ ୪୯୬ କେଜି ଗଂଜେଇ ଜବତ ଓ ଡ୍ରାଇଭର ଗିରଫ। ମହାରାଷ୍ଟ୍ରର ଲାଟୁର ଜିଲ୍ଲାର ଘାରୋଲା ଚାକୁର ଗ୍ରାମର ଶେଖ ଅଫସର ମେହେବୁବ ଗଞ୍ଜେଇ ଚୋରା ଚାଲାଣ ବେଳେ କାଲିମେଳା ପୋଲିସ ଦ୍ଵାରା ଗିରଫ କରାଯାଇଛି। ଏହି ଚୋରା ଗଞ୍ଜେଇ ଚାଲାଣ ବେଞ୍ଜିଙ୍ଗିୱଡା ଅଞ୍ଚଳରୁ ହାଇଦ୍ରାବାଦକୁ ହେଉଥିବା ବେଳେ ପୋଲିସ ଦ୍ବାରା ଏହାକୁ ଜବତ କରାଯାଇଥିଲା। ଖାଲି ଫଳ ଟ୍ରେରେ ଏହି ଚୋରା ଗଞ୍ଜେଇ ଚାଲାଣ ହେଉଥିଲା। ଏହି ଚୋରା ଗଞ୍ଜେଇ ବେପାରୀଙ୍କ ପାଖରୁ ଟାଟା ଆଇଚର ଗାଡ଼ି ରେଜିଷ୍ଟ୍ରେସନ ନଂ-ଏମ.ହେଚ ୨୪ ଏ.ୟୁ-୬୮୫୧, ଗୋଟିଏ ଭିଭୋ ମୋବାଇଲ ଫୋନ,୪୫୦ ଟି ଖାଲି ଫଳ ଟ୍ରେ,ନଗଦ ୨୦୦୦ ହଜାର ଟଙ୍କା ଜବତ କରାଯାଇଛିା ଏହି ଗଞ୍ଜେଇ ଚାଲାଣ ପାଇଁ କାଲିମେଳା ଥାନା କେସ ନଂ-୨୬୬/୨୩ ରେ ଏକ ମାମଲା ରୁଜୁ କରି ଏହାର ଅଧିକ ତଦନ୍ତ ପାଇଁ ଏସ.ଆଇ ବି.କେ ମାଝୀ ଙ୍କୁ ଦାୟିତ୍ଵ ଦିଆଯାଇଛି।