ବିଞ୍ଝାରପୁର (ନି.ପ୍ର)-ବିଞ୍ଝାରପୁର ତହସିଲ ଅନ୍ତର୍ଗତ ଖରସ୍ରୋତା ନଦୀର କଲ୍ୟାଣପୁର ଘାଟ ନିକଟରେ ଦଧିବାମନପୁର ଗ୍ରାମର ୭୨ ବର୍ଷିୟ ବୃଦ୍ଧା ମଲ୍ଲି ବେହେରା ଗାଧାଉ ଥିବା ସମୟରେ ପ୍ରଖର ସ୍ରୋତରେ ଭାସି ଯାଉଥିବା ବେଳେ ଦେବ ଦୁତ ସାଜି ତାଙ୍କୁ ଉଦ୍ଧାର କଲେ ମହେଶ୍ୱର ମଲ୍ଲିକ । ବୃଦ୍ଧା ମଲ୍ଲି ଭାସି ଯାଉଥିବା ବେଳେ ମହେଶ୍ୱର ହଠାତ ନଦୀ ଭିତରକୁ ଲମ୍ଫ ମାରିଥିଲେ । କୂଳରେ ଥିବା ଅନ୍ୟ ଲୋକେ ମହେଶ୍ୱରଙ୍କ ନିକଟକୁ ଲମ୍ବା ରଶି ଫୋପାଡିବା ଯୋଗୁ ଏହା ସାହାଯ୍ୟରେ ବୃଦ୍ଧାଙ୍କୁ ଉଦ୍ଧାର କରି କୂଳକୁ ଆଣିଥିଲେ । ମହେଶ୍ୱରଙ୍କ ସାହସିକତା ପାଇଁ ବୃଦ୍ଧା ନିଶ୍ଚିତ ମୃତ୍ୟୁ ମୁଖରୁ ବର୍ତି ଯାଇଥିବା ବେଳେ ମହେଶ୍ୱରଙ୍କୁ ସ୍ଥାନୀୟ ଲୋକେ ସାବାସ ଦେଇଛନ୍ତି ।