ବିଞ୍ଝାରପୁର: ବିଂଝାରପୁର ଥାନା ରଣପୁର ଗ୍ରାମରେ ଗତ କାଲି ରାତିରେ କେହି ଦୁର୍ବୁତ ଜନୌକ ବ୍ୟକ୍ତିଙ୍କ ଘରୁ ୩୭ହଜାର ଟଙ୍କା ଓ ୬ ଭରି ଓଜନର ସୁନା ଗହଣା ଲୁଟ କରିନେଇଥିବା ବିଞ୍ଝାରପୁର ଥାନାରେ ଅଭିଯୋଗ ହେଇଛି । ଅଭିଯୋଗ ଅଧାରରେ ପୋଲିସ ପହଞ୍ଚି ତଦନ୍ତ କରିଥିବା ଜଣାପଡିଛି । ଅଭିଯୋଗରୁ ପ୍ରକାଶ ଯେ ଗୁୁରୁବାର ବିଳମ୍ବିତ ରାତିରେ ରଣପୁର ଗ୍ରାମର ଗୋବିନ୍ଦ ଚନ୍ଦ୍ର ଜେନାଙ୍କ ଘରର ପଛପଟେ ଥିବା ଝରକା ଭାଙ୍ଗି କେହି ଦୁର୍ବୁତ ଘରେ ଥିବା ଆଲମାରିରୁ ୩୭ ହଜାର ଟଙ୍କା ଓ ଗୋଟିଏ ମୋବାଇଲ ସମେତ ୨ଟି ସୁନା ହାର, ୨ଟି ଚେନ, ଏକ ହଳ କାନଫୁଲ ଓ ୮ଟି ମୁଦି ଯାହାର ଆନୁମାନିକ ଓଜନ ୬ଭରି ହେବ ବୋଲି ବିଂଝାରପୁର ଥାନାରେ ଅଭିଯୋଗ ହୋଇଛି । ଅଭିଯୋଗ ପାଇ ଏସଆଇ କେସୀ ଦାସ ଓ ହାବିଲଦାର ଆଶିଶ କୁମାର ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଶ୍ରୀ ଜେନାଙ୍କ ପରିବାର ଲୋକଙ୍କୁ ପଚରା ଉଚରା କରିଛି । ଏ ସଂପର୍କରେ ଏସଆଇଙ୍କୁ ପଚାରିବାରୁ ତଦନ୍ତ ଚାଲିଛି ଖୁବ ଶିଘ୍ର ଅଭିଯୁକ୍ତ ଧରାପଡିବେ ବୋଲି କହିବା ସହ ଆଇଆଇସି ନଥିବାରୁ କୌଣସି ମାମଲା ରୁଜୁ ହୋଇନଥିବା କହିଛନ୍ତି ।