ଯୋଡା: କେନ୍ଦୁଝର ଜିଲ୍ଲା ଯୋଡା ଥାନା ଅନ୍ତର୍ଗତ ଟାଟା କମ୍ଫାନୀର ଗୋଲଡେନ କ୍ୟାମ୍ଫ ରେ ଗତ ଗୁରୁବାର ଦିନ ବିଳମ୍ବିତ ରାତିରେ ଲୁଟେରା ମାନେ ଘରେ କେହି ନଥିବା ସୁଯୋଗ ନେଇ ଘରେ କଳାକନା ବୁଲାଇଥିବା ଯୋଡା ଥାନାରେ ଅଭିଯୋଗ ହୋଇଛିା ସୂଚନାରୁ ପ୍ରକାଶ ଯେ ଟାଟା କମ୍ଫାନୀ ଗୋଲଡେନ କ୍ୟାମ୍ଫର କ୍ୱାର୍ଟର ନଂ ୧୦୦ ରହି ଆସୁଥିବା ଟାଟା କମ୍ଫାନୀର କର୍ମଚାରୀ ମନୋଜ ମଞ୍ଜୁରୀ ଦେବ ଘରେ ନଥିବାର ସୁଯୋଗ ନେଇ ଦୁବୁର୍ତମାନେ ଘରର ମୁଖ୍ୟ କବାଟ ତାଲା ଭାଙ୍ଗି ଘରେ ପଶି ସୁନା ମଥାମଣୀ ୧ ଟା, ସୁନା ମୁଦି ୨ ଟା , ସୁନା ଚେନ ୧ ଟା , ସୁନା ନାକଫୁଲ ୧ ଟା , ସିଲଭର ନେକ୍ଲେସ ୧ ଟା , ସୁନା ଚୁଡି ୧ ହଳ , ନେଇ ଫେରାର ହୋଇଯାଇଥିବା ଯୋଡା ଥାନାରେ ମନୋଜ ମଞ୍ଜୁରୀ ଦେବ ଅଭିଯୋଗ କରିଛନ୍ତି । ଏନେଇ ଯୋଡା ପୋଲିସ କେଶ ନଂ ୧୦୭ / ୨୦୨୦ ଏକ ମାମଲା ଋଜୁ କରି ଯୋଡା ପୋଲିସ ତଦନ୍ତ କରୁଥିବା ଜଣାପଡିଛିା ଗତ ୨୫ ତାରିଖ ଏକ କାଳୀନ ଯୋଡା ବସ୍ ଷ୍ଟାଣ୍ଡ ନିକଟରେ ୨ ଟି ଦୋକାନ ରୁ ଆଜବେଷ୍ଟ ଭାଙ୍ଗି ଚୋରି ହୋଇଥିବା ମନୋରୁ ଲିଭି ନଥିବା ବେଳେ ପୁଣି ଏକ ଚୋରି ହୋଇଥିବା ନେଇ ଯୋଡା ଅଞ୍ଚଳ ବାସୀ ଆତଙ୍କିତ ହୋଇଛନ୍ତି । ଦିନକୁ ଦିନ ଯୋଡାର ସହରର ଆଖ ପାଖ ଅଞ୍ଚଳରେ ଚୋରି ବଢିବାରେ ଲାଗିଥିବା ବେଳେ ପୋଲିସର ହୁଗୁଳା ପେଟ୍ରୋଲିଂ ଉପରେ ଉଙ୍ଗୁଳି ଉଠୁଛି ବୋଲି ଜନସାଧାରଣରେ ଚର୍ଚ୍ଚା ଜୋର ଧରିଛି ।