ଚମ୍ପୁଆ : ଚମ୍ପୁଆ ବ୍ଲକ ରଙ୍ଗାମାଟିଆ ପଂଚାୟତ ସରପଂଚ ନିଜ ଜନ୍ମ ଦିନରେ ଏକ ନିଆରା ପ୍ରୟାସ ଆରମ୍ଭ କରିଛନ୍ତି । ଏହି ଜନ୍ମ ଦିନକୁ ମନେ ରଖିବା ପାଇଁ ନିଜ ପଂଚାୟତ କାର୍ଯ୍ୟାଳୟରେ ଏକ ରକ୍ତ ଦାନ ଶିବିର ଅନୁଷ୍ଠିତ କରାଇ ନିଜର ମହାନତାର ପରିଚୟ ଦେଇଛନ୍ତି । ସୂଚନା ଅନୁସାରେ ରଙ୍ଗାମାଟିଆ ଗ୍ରାମ ପଂଚାୟତର ସରପଂଚ ମାଧୁରୀ ନାଏକଙ୍କ ଆଜି ଜନ୍ମ ଦିନ ଥିବାରୁ ଏହାକୁ ଏକ ନିଆରା ଢଙ୍ଗରେ ପାଳନ କରିବା ଉଦେଶ୍ୟରେ ଏକ ରକ୍ତ ଦାନ ଶିବିର ଆୟୋଜନ କରିଥିଲେ । ଚମ୍ପୁଆ ଓଡିଶା ରକ୍ତ ଭଣ୍ଡାରର ଡାକ୍ତର ଜ୍ୟୋତିରଂଜନ ମଲ୍ଲିକଙ୍କ ପ୍ରତ୍ୟେକ ତତ୍ୱାବଧାନରେ ଅନୁଷ୍ଠିତ ଏହି ଶିବିରରେ ୧୪ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏହି ରକ୍ତ ଦାନ ଶିବିରରେ ଅତିଥି ଭାବରେ ରଜିଆ ସରପଂଚ ସନ୍ତୋଷ କୁମାର ନାଏକ ଯୋଗ ଦେଇ ରକ୍ତ ଦାତା ମାନଙ୍କୁ ଉତ୍ସାହ ପ୍ରଦାନ କରିଥିଲେ । ସ୍ଥାନିୟ ସ୍ୱେଚ୍ଛାକୃତ ରକ୍ତଦାତା ମାନଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥିଲା ।