ରାୟଗଡା : ରାୟଗଡା ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା ଜିଲ୍ଲାର ବିଭିନ୍ନ ବ୍ଲକକୁ ଗସ୍ତ କରି ବିଭିନ୍ନ ଉନ୍ନୟନ ମୂଳକ ଯୋଜନା ସମ୍ପର୍କରେ ଅନୁଧ୍ୟାନ କରୁଛନ୍ତି । ଆଜି ବିଷମ କଟକ ବ୍ଲକର ନାନୀରଗୁଡା ଗ୍ରାମର ଅନୁସୂଚିତ ଜାତି ଓ ଜନଜାତି ଉନୟନ ବିଭାଗ ଛାତ୍ରାବାସ ପରିଦର୍ଶନ କରିଥିଲେ । ଏଥିରେ ସମ୍ମନ୍ୱିତ ଆଦିବାସୀ ଉନ୍ନୟନ ସଂସ୍ଥା ଗୁଣପୁର ପ୍ରକଳ୍ପ ନିର୍ଦେଶକ ଶ୍ରୀ ଗୋରଚାନ୍ଦ ଗମାଙ୍ଗ ଉପସ୍ଥିତ ଥିଲେ । ଏହାପରେ ଝିଗିଡି ଗ୍ରାମ ପଞ୍ଚାୟତ ଅନ୍ତର୍ଗତ ଉର୍ଲାଜଡି ଗ୍ରାମରେ ମନରେଗା ଯୋଜନାରେ ଚାଲୁ ରହିଥିବା ପୋଖରୀ ଖନନ ଓ କେନାଲ ନିର୍ମାଣୀକରଣ ବୁଲିଦେଖିବା ସହିତ ଶ୍ରମିକମାନଙ୍କ ସହ ମଜୁରୀ ଠିକ ଭାବରେ ପାଉଛନ୍ତି କି ନାହିଁ ପଚାରି ବୁଝିବା ସହିତ ବିଭିନ୍ନ ସମାଜିକ ସହାୟତା ଯୋଜନା ତଥା ବାର୍ଦ୍ଧ୍ୟକ୍ୟ ଭତା ଓ ଚାଉଳ ପାଉଛନ୍ତି କି ନାଇଁ ପଚାରି ବୁଝିଥିଲେ ।
ଏହାପରେ ଜିଲ୍ଲାପାଳ ହାତମୁନିଗୁଡା ଗ୍ରାମ ପଞ୍ଚାୟତ ଅନ୍ତର୍ଗତ ବକ୍ସି ଶିରିପୁର ଗ୍ରାମରେ ମନରେଗା ଯୋଜନାରେ ଚାଲିଥିବା ପୋଖରୀ ଖନନ କାମ ଏବଂ କୁଟ୍ରାଗଡ ଗ୍ରାମପଞ୍ଚାୟତ ଅନ୍ତର୍ଗତ ହୁକୁମତୋଳା ମନରେଗା ଯୋଜନାରେ ଚାଲିଥିବା ପୋଖରୀ ଖନନ କାମ ପରିଦର୍ଶନ କରିବାସହ ସେଠାରେ କାର୍ଯ୍ୟରତ ୬୫ଜଣ ନିର୍ମାଣ ଶ୍ରମିକ ମାନଙ୍କ ସହିତ ଆଲୋଚନା କରିଥିଲେ । ମଜୁରୀ ଠିକ ସମୟରେ ପାଉଛନ୍ତି କି’ନାଇଁ ସେ ବିଷୟରେ ପଚାରି ବୁଝିଥିଲେ ଓ ବିଡିଓ ଜନ୍ତ୍ରୀଙ୍କୁ ଠିକ ଭାବରେ ମଜୁରୀ ପ୍ରଦାନ କରିବାକୁ ନିର୍ଦେଶ ଦେଇଥିଲେ ଜିଲ୍ଲାପାଳଙ୍କ ଏହି ପରିଦର୍ଶନ ବେଳେ ବିଡିଓ ବିଷମ କଟକ ଆଲଭର୍ଟ ଲାକ୍ରା, ତହସିଲଦାର ବିଷମ କଟକ ଶୁଭେନ୍ଦୁ ଜେନା, ସହକାରୀ ଯନ୍ତ୍ରୀ ପ୍ରଶାନ୍ତ ପାଣିଗ୍ରାହୀ, ଏପିଓ, କନିଷ୍ଟ ଯନ୍ତ୍ରୀ ସରପଞ୍ଚ ଓ ଅନ୍ୟାନ୍ୟ ଅଧିକାରୀମାନେ ଯୋଗଦେଇଥିଲେ ।