ଯୋଡ଼ା : ଟାଟାଷ୍ଟିଲ ଅଧିନ ଟାଟା ଫାଉଣ୍ଡେସନ ପକ୍ଷରୁ ଆଜି ରବିବାର ଅପରାହ୍ନରେ ଯୋଡ଼ାୱେଷ୍ଟ ଅଡ଼ିଟୋରୀୟମ ଠାରେ ଏକ ଆଦିବାସୀ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପ୍ରତି ଯୋଗୀତାରେ ଯୋଡ଼ା ପୌରପାଳିକାର ସମସ୍ତ ୧୪ ଗୋଟି ୱାର୍ଡର ବସବାସ କରୁଥିବା ଆଦିବାସୀ ସମ୍ପ୍ରଦାୟର ମହିଳା ଓ ପୁରାଷ୍ ଅଂଶଗ୍ରହଣ କରିଥିଲେ । ନିଜ ନିଜ ପରମ୍ପରା ଅନୁଯାୟୀ ଆଦିବାସୀ ମାନେ ପୋଷାକ ପରିଧାନ କରି ନୃତ୍ୟ ପରିବେଷଣ କରିଥିଲେ । ଆଦିବାସୀ ମାନଙ୍କର ପରମ୍ପରା ଲୋପ ପାଇଯାଉଥିବା ବେଳେ ଏହାକୁ ବଜାୟ ରଖିବା ନିମନ୍ତେ ଟାଟା ଫାଉଣ୍ଡେସନ ପକ୍ଷରୁ ପ୍ରୟାସ ଜାରି ରହିଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଡ଼ା ପୋୖରାଧକ୍ଷ୍ୟ ଜଗଦୀଶ ପ୍ରସାଦ ସାହୁ , ଟାଟାଷ୍ଟିଲ ମୁଖ୍ୟ ସରୋଜ ବାନାର୍ଜୀ ଯୋଗଦେଇଥିବା ବେଳେ ସମ୍ମାନିତ ଅତିଥିଭାବେ ଟାଟା ଫାଉଣ୍ଡେସନର ମୁଖ୍ୟ ରବୀନ୍ଦ୍ର କୁମାର , ଜଳହରି ପଂଚାୟତର ସରପଞ୍ଚ ନରହରି ମୁଣ୍ଡା , ଭୁଇଁଆଁ ରୋଇଡ଼ା ସରପଞ୍ଚ ତୁଳସୀ ବବଙ୍ଗା ପ୍ରମୁଖ ଯୋଗ ଦେଇ ଆନୁଷ୍ଠାନିକ ଭାବେ ଦ୍ୱୀପ ପ୍ରଜ୍ଵଳନ କରି କାର୍ଯ୍ୟକ୍ରମ ଆରମ୍ଭ କରିଥିଲେ । ଏହି କାର୍ଯ୍ୟକ୍ରମ ଟିକେ ସୁକାନ୍ତି ମୁଣ୍ଡା ଅତି ସୁନ୍ଦର ଭାବେ ପରିଚାଳନା କରିଥିଲେ । ଶେଷରେ କୃତି ପ୍ରତିଯୋଗୀ ମାନଙ୍କୁ ଟାଟା ଫାଉଣ୍ଡେସନ ପକ୍ଷରୁ ପୁରସ୍କୃତ କରାଯାଇଥିବା ଦେଖିବାକୁ ମିଳିଛି ।