ଚମ୍ପୁଆ: ପୂର୍ବାହ୍ନରେ ମନ୍ଦିର ଦର୍ଶନ ସାରି ଘରକୁ ଫେରୁଥିବା ସମୟରେ ଏକ ବାର ଚକିଆ ଟ୍ରକ ଧକ୍କାରେ ଜଣେ ଯୁବକର ଘଟଣା ସ୍ଥଳରେ ମୃତ୍ୟୁ ଘଟଇଥିବା ଜଣାପଡିଛି । ମିଳିଥିବା ସୁଚନା ଅନୁଯାୟୀ ରାମଚନ୍ଦ୍ରପୁର ଗ୍ରାମର ଦୁର୍ଯ୍ୟୋଧନ ବାରିକ(୫୫) ସକାଳେ କାଳିକାପ୍ରସାଦ ମନ୍ଦିରରୁ ଦର୍ଶନ ପାଇଁ ନିଜ ବାଇକରେ ଆସିଥିଲେ । ପରିବାର ଲୋକ ମଧ୍ୟ ଅନ୍ୟ ଗାଡିରେ ଆସିଥିଲେ । କିନ୍ତୁ ଦର୍ଶନ ସାରି ଘରକୁ ଫେରିବା ବେଳେ ରଘୁଆଳ ସାହି ନିକଟରେ ଯୋଡା ପଟୁ ଆସୁଥିବା ଏକ ବାରଚକିଆ ଟ୍ରକ ଓଡି (୧୧ଏ୩୫୧୯) ଧକ୍କା ଦେବାରୁ ସେ ରାସ୍ତାଉପରେ ଛିଟିକି ପଡିଥିଲେ । ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ଖବର ପାଇ ରିମୁଳି ପୋଲିସ ଘଟଣା ସ୍ଥଳରେ ପହଞ୍ଚି ଟ୍ରକଟିକୁ ଜବତ କରିଛି । ଏଘଟଣା ଜଣାପଡିବା ପରେ ସ୍ଥାନୀୟ ଲୋକମାନେ ଜାତୀୟ ରାଜପଥକୁ ଅବରୋଧ କରିଥିଲେ । ଅପରାହ୍ନରେ ଶବଟିକୁ ପୋଷ୍ଟ ବର୍ଟମ ପାଇଁ ଚମମ୍ପୁଆ ଡାାକ୍ତରଖାନାକୁ ପଠାଯାଇଛି ।