ଭୁବନେଶ୍ୱର: ଭାରତୀୟ ରେଳବାଇ କାର୍ମୀକ ସେବା ୧୯୮୭ ବ୍ୟାଚର ବରିଷ୍ଠ ଅଧିକାରୀ ଶ୍ରୀ ତୁଷାର କାନ୍ତି ମଣ୍ଡଳ ପୂର୍ବତଟ ରେଳପଥର ପ୍ରମୁଖ ମୁଖ୍ୟ କର୍ମୀକ ଅଧିକାରୀ ଭାବେ ଯୋଗଦାନ କରିଛନ୍ତି । ପୂର୍ବତଟ ରେଳପଥରେ ଯୋଗଦାନ ପୂର୍ବରୁ ଶ୍ରୀ ମଣ୍ଡଳ ମୁମ୍ବାଇ ସ୍ଥିତ କେନ୍ଦ୍ରୀୟ ରେଳପଥର ମୁଖ୍ୟ କାର୍ମୀକ ଅଧିକାରୀ(ପ୍ରଶାସନ)ଭାବେ କାର୍ଯ୍ୟ କରିଥିଲେ । ଶ୍ରୀ ମଣ୍ଡଳ ଗୌହାଟି ସ୍ଥିତ ରେଲୱେ ଭର୍ତି ବୋର୍ଡରେ କାର୍ଯ୍ୟ କରିଥିବା ବେଳେ ଭାରତୀୟ ରେଳବାଇରେ ବିଭିନ୍ନ ପଦବୀରେ ମଧ୍ୟ ସୁଚାରୁ ଭାବେ କାର୍ଯ୍ୟ କରିଛନ୍ତି । ସେ ପୂର୍ବ ରେଳପଥର ହାଓଡା, ସିଆଲଦା ଓ ମାଲଦା ରେଳମଣ୍ଡଳରେ ମଧ୍ୟ କାର୍ଯ୍ୟ କରିଥିଲେ । ହାଇଦ୍ରାବାଦ ସ୍ଥିତ ଇଣ୍ଡିଆନ ସ୍କୁଲ ଅଫ ବିଜିନେସ ମ୍ୟାନେଜମେଂଟରେ ସ୍ଟାଟେଜିକ ମ୍ୟାନେଜମେଂଟ ସମ୍ବନ୍ଧରେ ସ୍ନାତକୋତର ଡିଗ୍ରୀ ପ୍ରଶିକ୍ଷଣ ନେଇଥିବାବେଳେ ୨୦୦୮ ମସିହାରେ କାନାଡା ସ୍ଥିତ ରଟରମ୍ୟାନ ମ୍ୟାନେଜମେଂଟ ସ୍କୁଲରେ ଆଡଭାନ୍ସ ମ୍ୟାନେଜମେଂଟ ପ୍ରଶିକ୍ଷଣ ହାସଲ କରିଛି ।